Kryesia e çoi për hetim, Bardhi nuk tërhiqet: Nesër mbledh online Këshillin! Basha mbështeti kandidatët e Berishës, ta thotë në publik ose do nxjerr SMS-të

Deputeti i Partisë Demokratike, Dashnor Sula iu është bashkuar reagimeve në lidhje me situatën brenda demokratëve.

Në një mesazh në “Facebook”, Sula iu është bashkuar debateve pas deklaratës së Flutura Açkës, ndërsa ka ironizuar se zgjidhja paska qenë e thjeshtë; ‘tërheqja nga dorëheqja’.

‘Sa e lehtë paska qenë! -Në këto temperatura përvëluese, demokratët nuk po e përballojnë dot përplasjen e re. Por teksa lodhen me procedura dhe me nene statuti, zgjidhja paskësh qenë shumë e thjeshtë.

“Tërheqje nga dorëheqja”.

-Lulzim Basha nuk ka pse konsumon energji në këtë fund korriku të nxehtë dhe të nxjerrë ata demokratë që nuk ka përjashtuar nga listat që të votojnë. Basha të marrë shembull dhe të heqë dorë nga dorëheqja që ka dhënë rreth një vit më parë!’- shkruan Sula.

Sekretari i Përgjithshëm i Partisë Demokratike, Gazment Bardhi deklaroi ditën e sotme se Komisioni i etikës nuk ekziston, pasi kryetarja Flutura Açka ka dhënë dorëheqjen.

“Unë e vlerësoj, do kisha shkuar me shumë dëshirë për t’u takuar me zonjën Açka, por zonaj acka si kryetare e komisionit ka dhënë dorëheqjen më 8 mars 2022. Nuk di të jetë dhënë dorëheqjen nga dorëheqja, në shkresë dorëheqja e nënkryetarëve Tabakut dhe Gjemarkaj me deklarim publik merret e mirëqenë, ky është standardi për këta të dy, ndërsa për zonjën Açka e cila gjithashtu e ka dhënë dorëheqjen në mënyrë publike më 8 mars 2022 kjo nuk merret e mirëqenë dhe njihet si kryetare e komisionit të Apelimit”, tha Bardhi.

Në një reagim në Facebook, Açka i është përgjigjur Bardhit duke thënë se e ka tërhequr dorëheqjen e saj me besimin që ka ardhur koha që PD të dalë nga agonia. Açka shkruan se sot është në cilësinë që i kanë dhënë demokratët si kryetare Kryetare e Komisionit të Apelimit, Integritetit dhe Etikës.

“Unë u dorëhoqa nga dorëheqja se besova te miku im, Gazmend Bardhi. Kjo ftesë që kam marrë nga z. Bardhi, në cilësinë e Sekretarit të Përgjithshëm të PD-së e shpjegon kthimin tim. Besova se ishte çasti që PD të dilte nga agonia, dhe ftesa e tij kishte shumë kuptim për mua. Ndaj u ktheva, dhe jam sot në cilësinë që më kanë dhënë demokratët, dhe asnjë emër i përveçëm: Kryetare e Komisionit të Apelimit, Integritetit dhe Etikës së Partisë Demokratike”, shkruan Açka.

Sekretari i Përgjithshëm, Gazment Bardhi i është përgjigjur edhe pretendimeve të Kryesisë. Bardhi shprehet se vula është në zyrën e tij sepse administrohet nga Sekretari i Përgjithshëm. 

“Unë e kam vulën aty ku e kam në të njëjtin vend ku ishte prej një viti e gjysmë. S’la zyrë protokolli tani PD. Ka vetëm 2 zyra, një për Sekretarin e Përgjithshëm një për kreun e komanduar të partisë. Vula administrohet nga Sekretari, se kam marrë në xhep, as në shtëpi. Se gjejnë dot se s’kanë rol apo përgjegjësi për vulën. Si ndihmoj dot ata që kanë humbur vulën. Disa duan të shpallen vulëhumbur....”- tha Bardhi.

Gazment Bardhi thotë se nuk ka ndryshuar qëndrim sa i takon pozicionimit të tij në raport me Sali Berishën. Për gazetaren e Report Tv, Danjela Maloku, sekretari i përgjithshëm i PD thotë se ka ndryshuar vetëm strategjinë politike duke bërë betejë me Edi Ramën dhe jo duke luftuar brenda PD. Bardhi thotë se kur ai ka bërë betejë me Sali Berishën, disa zgjodhën të rrinin në shtëpi dhe kishin frikë edhe emrin t’ia përmendnin ish-kryeministrit, madje sipas tij as sot nuk ja zënë emrin me gojë.

“Identik me atë që kam shprehur nga nëntori deri në këtë moment. Nuk ka asnjë ndryshim qëndrimi. Ka një ndryshim strategjie për të mos harxhuar energjinë në betejën brenda PD por tek beteja me kundërshtarin tonë të vetëm politik, Edi Rama. Disa kanë zgjedhur të rrinë në shtëpi dhe të mos bëjnë betejë me Ramën, por të merren me Berishën. Duan ta bëjnë, janë të lirë. As nuk i kritikoj, të bëjnë ca mendojnë se është e drejtë. Kur unë kam bërë betejë me Berishën, disa u mbyllën në shtëpi dhe kishin frikë t’ia përmendin emrin Berishës. Disa u fshehën dhe as sot nuk ja zënë dot emrin me gojë Berishës”, tha Bardhi.  

Sekretari i Përgjithshëm i PD, Gazment Bardhi ka shigjetuar Lulzim Bashën, i cili po kandidon sërish për kreun e PD. Bardhi i kërkoi Bashës publikisht që të tregojë se cilin kandidat ka mbështetur në Vaun e Dejës, Rrogozhinë dhe Kurbin, duke thënë se Basha ka mbështetur kandidatët e Berishës në zgjedhjet vendore të 14 majit. Madje, Bardhi tha se nëse Basha nuk e thotë këtë publikisht, ai do të publikojë SMS që kanë patur kandidatët me Bashën.

Bardhi tha se po veprohet me dy standarde, pasi po largohen anëtarët e PD që kanë bërë fushatë për kandidatët e Berishë , ndërsa Bashën që ka mbështetur kandidatët e Berishës ta vëmë në krye të partisë.

“Cilido që ka bërë fushatë për Igli Carën ka bërë gjënë e duhur. Ai që ka bërë fushatë për Erion Velinë, është në një llogore të gabuar. Megjithatë e përsëris, sa kohë s’ka vendim të këshillit Kombëtar, nuk e caktoj unë kush është anëtar dhe kush jo. Unë kam një pyetje për Bashën, që është kandidati për kryetar. Cilin kandidat ka mbështetur Basha në vaun e dejës, do duhet ti’a thotë opinion publik, nëse nuk ja thotë do bëj publike komunikimin me SMS që kanë patur me Bashën. Basha ka mbështetur 3 kandidate të Berishës ne vaun e Dejës, Kurbin e Rrogozhinë. Ata që kanë mbështetur kandidatët e Berishës ti largojmë nga këshilli, Ndërsa zotin Basha ta bëjmë kryetar partie”, tha Bardhi.

Sekretari i Përgjithshëm i PD-së, Gazment Bardhi ka folur për metodën që sipas tij zgjedh Kryesia për të bërë pjesë të listave për anëtar. Bardhi thotë se ata që kanë mbështetur kandidatët e Berishës gjatë fushatës së 14 majit, janë nxjerrë nga lista, por ata që mbështetën Erion Veliajn gëzojnë të drejtën të jenë pjesë e listave. Bardhi thotë se këto dy standarde i neverit.

“Bëjnë fushat për Veliajn dhe futen si anëtarë, bëjnë fushatë të Igli Carës, i nxjerrin jashtë partisë. S’kam asgjë me kolegun që e ka thënë ‘mbështesni’ Erion Veliaj, e kam me dy standardet që kolegët kanë për të futur anëtarë në lista. Unë këto standarde i neveris.”- thotë Bardhi.

Sekretari i Përgjithshëm, Gazmnet Bardhi i është përgjigjur në një deklaratë për media kërkesës së Komisionit të Etikës për të qenë i pranishëm në mbledhje pasditen e sotme ku do shqyrtohet ankimi i Kryesisë së PD për anulimin e mbledhjes së Këshillit Kombëtar. Bardhi tha se sekretari i përgjithshëm i jep llogari vetëm Këshillit Kombëtar dhe thekson se ai do të mblidhet ditën e nesërme online.

Bardhi tha se Kryesia e PD ka zvogëluar listën e anëtarëve të PD nga 450 në 300 pa asnjë process statutor.

Jam njohur me një kërkesë të komisionit të etikës, që nuk ekziston në PD, që do duhet të shkoj për të dhënë llogari për vendimet e mia. Llogari sekretari i përgjithshëm i jep vetëm këshillit kombëtar të PD që mblidhet nesër dhe ftoj çdo koleg të marrë pjesë në mbledhjen legjitime. Sekretari i përgjithshëm akuzohet në fletërrufenë e byrosë politike se po mbledh gjoja atë që pretendohet se është këshilli kombëtar në përbërje të së cilës ka formacione që kanë bërë fushatë elektorale. Unë nuk i ndaj anëtarët e këshillit sipas qëndrimit që ata mbajtën pro ose kundër Bashës. Jam njohur dhe jam shqetësuar me një listë të bërë publike jashtë dijenisë të sekretarit të përgjithshëm, ku lista pa asnjë proces statutor, nga 450 anëtarë është zbritur në rreth 300 anëtarë. Pretendimi që kanë dhënë kolegët është se pjesa që është hequr nga lista kanë qenë të angazhuar në fushatë për një formacion tjetër politik.

Fletërrufe e Byro Politike i ka cilësuar Gazment Bardhi ‘hetimin’ që është ngritur për të në Komisionin e Edukimit nga Flutura Açka. Sekretari i Përgjithshëm thotë se reduktimi i 50 mijë anëtarëve që nuk mendojnë ashtu siç do ish kryedemokrati Basha, është një lëvizje që ne e kemi parë mjaft mirë, 1 vit e gjysmë më parë nga Sali Berisha. Është një hall i Bashës, thotë Bardhi që po e detyron të hedhë në erë partinë demokratike, tashmë të shndërruar në një parti popullore që ka humbur objektivin dhe identitetin si parti me besime euroatlantike. Sa i takon mbledhjes së Këshillit Kombëtar që e ka thirrur nesër, Bardhi thotë se s;është e ndaluar të bësh mbledhje online.

“Sot s’jam për të komunikuar me ta por me anëtarët e PD dhe mbi 50 mijë të tjerë sepse nuk mendojnë si Lulzim Basha. Në cilësinë time si Sekretar kam dhe do të zbatoj vetë statutin e PD. Qëndrimi im ka qenë i njëjtë 1 vit e gjysmë më parë kur Berisha ndoqi këtë rrugë dhe sot që Basha po ndjek të njëjtën rrugë. Mbledhja e Këshillit Kombëtar është kompetencë ekskluzivë e Sekretarit të Përgjithshëm. Meqë ka patur pretendime dhe për mbledhjen, dua t;iu kujtoj se PD s’ka lindur sot, por ka zhvilluar disa mbledhje online duke i kujtuar kolegëve edhe mbledhjen për miratimin e kandidatëve për deputetë në zgjedhjet e 25 prillit. Nuk ka asnjë rregull në statut, që mbledhja do të bëhet në sallën ku duan anëtarët e partisë.

 Deklarata e kopjuar nga Berisha, akuzonte Sekretarin e Përgjithshëm se po bën manorva për t’’i shërbyer Berishës, Metës e Ramës. Se kush i shërben këtyre, opinioni publik mund ta shohë me fakte. Nëse do të bëja manovra do të mbylla sytë në këtë moment delikat ku disa me halle të vjetra kanë vendosur të hedhin në erë partinë me trakte të byrosë poilitike.”- tha Bardhi.