TIRANË- Fjalimi i fitores së Edi Ramës, si kryeministri i parë në histori që fitoi 3 mandate radhazi, kishte një fokus kryesor, atë të zhdukjes së ndasive politike mes socialistëve dhe demokratëve në emër të gjithë shqiptarëve! Për këtë, ai tha se do të jetë kryeministri i të gjithëve dhe i shtriu dorën e bashkëpunimin PD-së, përtej çdo kryetari që do e drejtojë atë për 4 vitet e ardhshme, ndërkohë që ia vlen të theksohet se nuk ka përmendur në asnjë moment LSI-në.
Rama e ftoi Lulzim Bashën që të njohë rezultatin pasi “bëri sa mundet” dhe të nisin bashkëpunimin për çështjet madhore për të larguar përgjithmonë ndasitë që shqiptarët mbartin prej gati një shekulli. Kryeministri përgëzoi kundërshtarin që sipas tij korri një fitore për vendin e dytë duke i quajtur më të mirët në këtë garë, sigurisht pas PS-së, shtoi ai.
Mes entuziazmit të mijërave socialistëve që ishin mbledhur në sheshin “Skëndërbej”, kreu i qeverisë ia dedikoi këtë fitoren nënës së tij të ndjerë, Anetës, por nuk la pa përmendur as ish- deputetin Bashkim Fino që ndërroi jetë pak muaj më parë si pasojë e COVID. Rama tha se Fino ka qenë një kontribut shumë i rëndësishëm për këtë fitore të arritur në 25 prill.
Një falënderim, pati edhe për bashkëshorten, Lindën, gjysmën e tij më të mirë që e cilësoi si “guri që mbledh familjen”, e ndërsa me humor tha se Zaho nuk ishte i pranishëm sot pasi ishte “i mërzitur se votat në Vlorë i fitoi Rama”.
VIDEO/ Fjala e plote e kryeministrit Rama
Në fjalimin e fitores së kryeministrit Edi Rama, ishte i pranishëm edhe një hero. Ai është Klodian Elqeni, 22-vjeçari i cili bëri aktin heroik duke ndërhyrë nga xhami i makinës në lëvizje të agresorit Arben Mema dhe duke parandaluar një tragjedi në sheshin “Skënderbej” ditën e zgjedhje.
Kryeministri Edi Rama nga sheshi 'Skënderbeu' tha se mandati i tretë do të jetë mandati më i fortë i një shumice qeverisëse. Rama tha po ashtu se nëse do të arrijnë që bashkojnë forcat me PD-në, kjo dekadë do të hyjë në histori. Po ashtu Rama kujtoi edhe deputetin socialist i cili ndërroi jetë pak muaj më parë Bashkim Finon, ku tha se e imagjinon duke qeshur.
'Mandati i tretë është mandati më i fortë që një shumice qeverisëse ka pasur ndonjëherë. Ne do ta realizojmë këtë megaprojekt me shumicën dërrmuese. Nëse arrijmë që ti bashkojmë forcat me PD-në kjo dekadë do të hyjë në histori. Unë kam lindur shqiptar, nuk kam lindur socialistët. Për mua demokratët janë shqiptar, pastaj janë demokratë. Këtu sot mungon dikush që punoi për këtë fitore, miku i shtrenjtë, Bashkim Fino. E imagjinoj këtu bashkë me ne, duke festuar për fitoren tonë të mrekullueshme. Por, u desh të ikte nga kjo botë, Bashkimi ynë i dashur, që të gjithë të bashkoheshin e të kujtoheshin se vdiq një shqiptar i mirë. Mallkimi i së shkuarës nuk na ka lejuar kurrë që në skenën e politikës të jemi bashkë në të gjallë. Vetëm në ditët e zeza kemi mundur të mendojmë se nëna nuk na ka bërë për t’u bërë ujq për njëri-tjetrin. Ndasia tjetër është ajo që duket edhe sot në hartën elektorale. Mjafton të dallosh ngjyrat, një ndasi e kuptueshme për Shqipërinë e lëngatave. Kjo është fiks ora për t’ia shtrirë dorën PD, duke e bërë të qartë se mandatin e tretë duam t’ia kushtojmë bashkimit, jo ndasive, punëve, jo sherreve. Politika na ka ndarë, politika mund të na bashkojë, sepse politika është e vetmja në tokë, që di t’i bëjë të dyja.
Që njerëzit e dalë nga pylli të mos hanë njëri-tjetrin, por të bëjnë gjëra që të vetmuar nuk i bëjnë dot. Edhe Shqipërinë, në majën ku Zoti e deshi kur e krijoi, politika e ka penguar të ngjitet dhe politika mund ta cojë. Prandaj, le të përpiqemi ta vëmë politikën më shumë se asnjëherë më parë në dispozicion të Shqipërisë, të amanetit të rilindësve dhe heronjve tanë, të borxhit që u kemi fëmijëve tanë. Shqipëria është shumë e vogël për të mos u bërë dot ajo që meritojnë shqiptarët. Shqipëria bëhet dhe do ta bëjmë ne, shqiptarët e kësaj dekade. Do të rinisim punën që nesër me një vrull të ri, nga shërimi i plotë dhe i shpejtë i krejt plagëve të tërmetit dhe shporrja e armikut të padukshëm, ta luftojmë me një ambicie të re armikun brenda vetes, që na tërheq në rrugën e ndasisë e të sherrit. Shqipëria fitoi më 25 prill, tani është radha jonë të fitojmë cdo ditë për Shqipërinë e të gjithë shqiptarëve. Zoti qoftë i duruar me ne dhe ne të duruar me njëri-tjetrin. Rroftë PS, rroftë i madh e i vogël që ka lindur shqiptar. Rroftë Shqipëria!', tha Rama.
Kryeministri Edi Rama ka komentuar edhe kundërshtarin PD me Lulzim Bashën, ku e ka vlerësuar maksimalisht.
“Basha dhe PD ishin në skuadër e mirë, demokratët ishin kundërshtarë jo shumë të lehtë që mendojnë vlerësim për përpjekjen për të arritur të paarritshmen për ta. Më shumë se kaq nuk bëni dot, madje bën më shumë, se të mundës PS është më ë vështirë se mundësh Barcelonën e Pep Guardiolës. Mesazhi im është pranoje humbjen me dinjitet dhe me bindjen se bëre sa munde. Miq demokrat jemi më të mirë, ju jeni më të mirët pas nesh, ky është fak dhe faktet pranohen, nuk luftohen, nuk më takon mua dhe nuk është përgjegjësia as e drejta jonë të vendosim se si do e pranoni, nëse do jetë apo jo Basha në 4 vite e ardhsme është puna juaj, por me apo pa Bashën, opozita jonë është vetja jonë. Shtrijmë dorën e një bashkëpunimi të sinqertë dhe konkret pa asnjë paragjykim.Nuk na ndajnë qëllimet madhore, ne duam integrimin në BE, por duke e bërë hendek balte dhe armë për të qëlluar apo asgjësuar njëri tjetrin, ky qëllim nuk shpejtohet. Socialist e demokrat duan nga të dyja palët që ta rrisin ekonominë dhe mirëqënien, por duke nxirë me komunikim, rritja e komunikimit nuk e shpejton, përkundrazi. Ne duam që askush të mos largohen, por në një shtëpi ku të rinjtë bëjnë sherr, fëmijët i mban prej zoti dhe jo prej qejfit. Pra nuk mjafton si në një garë se sa e duam Shqipërinë, jemi më të mirë nga sa duket sesa kur i hidhemi në fyt njëri tjetrit, apo bëjmë lojëra me njëri tjetrin. Ky është vendi ynë dhe këtë vend nuk mund ta duam me pjesë. E di mirë dhe e kam të qartë që ta thuash këtë është shumë e lehtë, shumë më e lehtë se ta bësh, jam më i gatshëm se asnjëherë tjetër që të përpiqem me forcat e mia edhe ta bëj, por nuk mjafton vullneti i fituesve, por duhet edhe vullneti i atij që çdo drejtojë PD në 4 vitet e ardhshme”, tha Rama.
Kreu i qeverisë gjatë fjalimit të fitores ditën e sotme nga sheshi 'Skëndërbeu' falenderoi publikisht bashkëshorten e tij Linda Ramën, duke thënë se ajo është gjysma e tij më e mirë. Po ashtu Rama tha se djali i vogël i tij Zaho, nuk ishte i pranishëm, pasi ishte i mërzitur se nuk kishte marrë asnjë votë në Vlorë.
'Siç ishit ju për mua më 25 prill, do jem unë për ju aty ku do duhen, ditë e natë, në katër vitet që vijnë. Një falënderim të veçantë për gjysmën time më të mirë, për opozitën time më të fortë, Linda Ramën, mamanë e palodhur të Zahon, nënën e duhur të Reas dhe shoqen e palodhur të Gregut. Linda është guri që na mbledh. Grua faleminderit. Faleminderit dhe Reas e Gregut, që nuk na shkaktoni dhimbje koke me mënyrën tuaj të jetesës. Jam shumë krenar për ju dhe uroj t’iu bëj krenar gjithnjë, me punën time sot dhe me ndihmën e Zotit e me gjurmën e punës sime nesër. Tani le të mbetet këtu mes nesh, Zaho nuk erdhi se është pak i mërzitur. Nuk arrin të pajtohet dot me faktin se unë i mora të gjitha votat, ndërsa ai nuk mori dot asnjë votë, megjithëse bëri fushatë në Vlorë. Tani është detyra jonë t’ia mësojmë me durim kët', u shpreh Rama.
Kryeministri Edi Rama nga sheshi 'Skënderbëj' ka falendruar të gjithë shqiptarët për fitoren e mandatit të tretë dhe theksoi se ato treguan një forcë të madhe karakteri.
'Ky është rekordi historik i kësaj skuadre të jashtëzakonshme. Urime, urime me gjithë shprit me një përqafim të madh. Unë jam sot krenar, si asnjëherë për ju, për çdo vajzë dhe djalë që u angazhuar si patronazhist, koordinator, drejtues në këtë fushatë parlamentare dhe që dha rezultatin për skuadrën tonë, kampione në fuqi, kampione përsëri. Më shumë se asnjëherë jam krenar për shqiptarët, njerëzit e zakonshëm të këtij vendi që kaluan një provë të madhe karakteri në këtë moment kaq sfidues për Shqipërinë. Fitoi karakteri ynë si një forcë e pathyeshme edhe përballë fatkeqësive natyrore. Fitoi forca më e madhe demokratike që Shqiptarët kanë krijuar ndonjëherë për Shqipërinë PS. Gëzuar fitoren sepse është e gjitha e juaja. Por mos e harroni kurrë, asnjëherë me tutje se kjo fitore duhet merituar në çdo ditë të 4 viteve që kemi para, duhet ta bëjmë natën ditë me punë për shqiptarët. Me përkushtim dhe respeket për këdo pavarësisht se kë ka votuar.'- tha Rama.
Kreu i qeverisë po ashtu ka kujtuar edhe mamanë e tij të ndjerë Anetën, ku tha se kjo është fitorja e parë pa atë.
'Kjo është fitorja ime e parëm në mungesën e dikujt që më ka ndenjur gjithmonë pranë. Dikush që më mungon tmerrësisht sot mes jush dhe që shpresoj se tani po më sheh nga atje lart. Nëna ime Aneta! Uroj që ajo të jetë krenare për mua dhe mirënjohëse pafund për ju të gjithë që për kaq shumë vite më besuar pa u lëkundur. Unë do të jem për ju aty kurdo që të duhem në çdo ditë e natë për ju. '- tha Rama
Kryeministri Edi Rama i shoqëruar nga bashkëshortja e tij Linda Rama, i është bashkuar festës në sheshin 'Skëndërbëj' për fitoren e mandatit të tretë.
Në ambientet e selisë rozë ka nisur festa e fitores së mandatit të tretë. Në pamjet e siguruara nga Report Tv shihet kryebashkiaku Erion Veliaj dhe njëkohësisht drejtuesi politik i PS-së në këto zgjedhje për Tiranën, teksa del nga selia rozë së bashku me disa anëtare të tjerë të PS-së për t'ju drejtuar sheshit.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07
bravo urime pere fitoren ,Pune te mbare
PërgjigjuKE PATUR prinder per te patur zili,,,prandaj dhe ti rama ke dale i mire...
PërgjigjuTEK TI I KEMI SHPRESAT O EDI RAMA,,,VAZHDO PUNEN E NISUR NE SHQIPERI,,,NE INVESTIME NE TURIZEM,,RRUGE,,PORTE,,AEROPORTE,,INCENERATORE ,HIDROCENTRALE ,,DEBORATORE,,UJESJELLSA,,NDERTIME HOTELESH ME 4-5 YJE,AGROTURIZEM,--TEKNOLOGJI,,,NE TIRANE--DURRES-VLORE-SHENGJIN-SARANDE-VELIPOJE-ELBASAN-KORCE- -GJIROKASTER-SHKODER-LEZHE-KUKES,PESHKOPI-BERAT-FIER-LUSHNJE ETJ.,INVESTIME NE BUJQESI SEPSE KEMI NJE TOKE TE MREKULLUESHME,,,QE NA JEP PRODUKTE TE SHKELQYESHME PER EKSPORT,,,VETEM DUHET NDIHME--SUBVENCIONE PER FERMERET NE UJITJE--FARA--PLEHRA--KARBURANT,FIDANE CILESORE ME PRODHIMTARI,SKEMA MENAXHIMI,,FABRIKA PERPUNIMI TE PRODUKTEVE BUJQESORE,[LENGJE FRUTASH--SALCE]],,VETEM ME PUNE E ME DJERSE DO PERMIRESOJME JETEN TONE,,,,ASGJE NUK NA VJEN VETE...
PërgjigjuDUHEJ TA KISHE shpetuar bashkimin o edi ,,,duhej ta kishe vaksinuar....
PërgjigjuUrime Nene Shqiperi
PërgjigjuURIME SHQIPE...PUNE TE MBARE PER MEMEN SHQIPERI....E ORE ÇUN TE MARSHIN TE KEQEN,ÇI NGJAN ISMAIL QEMALIT ORE.....
PërgjigjuI Madhi e i Vetmi Edi Rama,sh bukur fole.., të lumtë!..po kujt i thua,Lul Bashiçi me Berishoviçët nuk e duam Shqipninë Kampione Ballkani,ata janë bijtë e Shkaut Serb!
PërgjigjuJe njesh o Gjigand. I vetmi lider real qe ka Shqipria. Vetem se mundesh dhe duhet te besh shum shum se cke ber per ate vend. Urime PS. Urime Shqipria.
PërgjigjuEdi Rama je qytetar! Perfundimisht kjo ishte beteja mes te perparuarve dhe njerezve te neandertalit. Faleminderit qe na mbajte ne drite e nuk na fute ne shpelle.
PërgjigjuS'kemi se ç'te themi shume tani. Jemi pak te shushatur nga gezimi dhe teper te mallengjyer, megjithese rezultati dihej dhe pritej, se populli shqiptar nuk eshte budallla dhe e din se kush eshte me i mire per te ardhmen e tij. Tani per tani mund te themi vetem me germa te medha "RROFTE PARTIA SOCIALISTE DHE EDI RAMA KRYETAR I SAJ"!
PërgjigjuElefanti është për Fat të mbarë!
Përgjigju....Me ndihmoni pak qe te gjejme dicituren per kete foto ku ne tavoline, ndermjet shume librave ,lapsave qendron edhe nje ....ELEFANT!!!!!
Përgjigjuurime gjigant perpapa per te 4 tertin