PS, KQZ ngërç në vendimmarrje
të gatshëm për riformatim

TIRANE - Vendimet e fundit të miratuara me 4 vota nga KQZ i kundërshtuan dje nga nënsekretari për Çështjet Zgjedhore në PS, Koli Bele. Ai rendit një sërë aktesh që duhet të ishin marrë me pesë vota, që nga hedhja e shortit për partite politike në fletën e votimit dhe deri tek udhëzimet e mbledhjes së fundit.

"Mjafton të lexohet udhëzimi, neni 7, emërimi i kryetarit, zëvendëskryetarit dhe sekretarit.Kodi i ri Zgjedhor nuk parashikon zëvendëskryetar të qendrës së votimit. Ka sjellë mes të tjerash ndryshime edhe në këtë pikë. Sot qendra e votimit ka 7 anëtarë, një nga të cilët është sekretari.

Natyrshëm që ky akt, nga pikëpamja formale dhe nga pikëpamja teknike mund të shkaktojë kunfuzion, ndërsa nga pikëpamja ligjshmërisë,nëse kjo KQZ nuk arrin të nxjerrë akte nënligjore dhe të përcaktojë rregullat e zgjedhjeve, atëherë për çfarë duhet?

Cila është vlera e këtij organi, përveçse të mirëadministrojë çështjet zgjedhore",tha Beli. PS deklaron se kriza e vendimmarrjes së cilësuar në KQZ nuk duhet të fshihet, por apelon për zgjidhje.

"Nëse ka vullnet politik, mundësitë ligjore janë dhe PS e mirëpret riformatimin e KQZ-së në përputhje me ligjin, si e vetmja mënyrë për të kthyer procesin në binarët e ligjshmërisë", tha Bele.

Shkrimi u publikua sot në gazetën Shqiptarja.com (print) 25.05.2013

Redaksia Online
(b.m/shqiptarja.com)

TAG:
• kqz