PS: Të kthehet ligjshmëria KQZ-së
dhe besueshmëria e partnerëve

Arta Dade, dalë në një deklaratë për media nën moton “100 arsye për të larguar Berishën” theksoi se Berisha dhe qeveria e tij po luajnë rol negativ në këtë situatë parazgjedhore si për vendin ashtu edhe në sytë e ndërkombëtarëve.

Ajo tha se sot “koston e papërgjegjshmërisë së Kryeministrit e paguajnë shqiptarët”.
Dade në lidhje me kolapsin, që ka kapur KQZ-në tha se ajo që po bën Berisha bie ndesh me interest rajonalë dhe vendor duke shtuar se” ai nuk iu bind rekomandimeve të SHBA-së dhe partnerëve evropianë dhe refuzoi kërkesat për të mos cënuar KQZ-në”.

Partia socialiste thotë se Berishën tashmë e kanë kapur “ethet e humbjes dhe ka frikë gjenetike për të pranuar humbjen”. “Ajo që ka rëndësi për ne janë: Të kthehet besueshmëria te institucioni i KQZ-së dhe rivendosja strategjike e marrëdhënieve me ndërkombëtarë ” mesazh ky që është përsëritur shpesh nga radhët opozitare, që pas shkarkimit të Muhos nga KQZ-ja.


Arta Dade shprehu bindjen e saj se “Nuk do të lejojmë që Berisha të manipuojë zgjedhjet duke rrëmbyer anëtarin dhe sulmuar KQZ-në.

(ad.ti/shqiptarja.com)

TAG:
• kqz