Si kryebashkiak i zgjedhur i Himarës dhe i bindur në pafajësinë e tij, Fredi Belerit do t’i kishte hije t’i drejtohej banorëve me një urim për 111-vjetorin e Pavarësisë. Mirëpo këtë 26 nëntor, ai ka zgjedhur të ushqejë sërish Athinën me një reagim nga qelia e burgut. Teksa kërkon të betohet, edhe pse Rama pranoi se po e toleron në shkelje të afateve dhe s’po e shkarkon, Beleri mundohet të vërë theksin në disa çështje teknike të arrestimit e hetimit. Peligrinazhi që i bëhet prej kohësh në burg nga priftërinj grekë e politikanë të ‘Demokracisë së Re’ duket se e ka frymëzuar, në mos diktuar, sesi mund t’i hidhet benzinë zjarrit për të armiqësuar më tej Athinën me Tiranën.
Kërkesa e Kyriako Mitsotakis, që qeveria shqiptare të marrë rolin e gjykatës dhe të lirojë një të paraburgosur pa vendim mbetet absurde jo vetëm për përmbajtjen, por edhe thelbin. Pra nga njëra anë Fredi Beleri e akuzon Ramën se po dirigjon drejtësinë për ta mbajtur atë në burg dhe nga ana tjetër i kërkojnë Ramës që të dirigjojë drejtësinë duke e lënë atë të lirë.
Fredi Beleri në rast të pafajësisë në formë të prerë pritet të zëvendësojë Jorgo Goron. Një tjetër minoritar ky, që në përballjen politike me kryebashkiakun në burg i kanë drejtuar gishtin njëri-tjetrit. Njëri duke akuzuar për vjedhje pronash, e tjetri për blerje zgjedhjesh. Normalisht për Greqinë nuk duhet të ndryshonte asgjë kur bëhet fjala për zëvendësimin e një minoritari me një tjetër. Në politikën shqiptare ka patur dhe vijon të ketë shumë emra të ardhur nga minoriteti: deputetë, ministra dhe zyrtarë të lartë që kurrë s’janë vizituar apo pritur nga figura të larta të politikës greke. Por për këtë të fundit mesa duket parapëlqehet Beleri që përveç pozave me flamurin e Vorio Epirit, është i gatshëm sipas drejtësisë që të sigurojë edhe fitoren me çdo kusht… Ndërsa Jorgo Goro është ndëshkuar nga Greqia duke nxjerrë në pah sesi është kompromentuar Athina në krijimin fals të minoritetit në Himarë dhe jo vetëm.
Më saktë ish-ministri i jashtëm grek, Nikos Kotzias deklaroi vite më parë se Goros i është hequr nënshtetësia pasi vepron kundër interesave të Athinës. Mirëpo minoritar ose je, ose nuk je. Ajo që ndodhi me Goron tregon qartë se minoritar të bënkan qeveritë greke dhe jo prejardhja. Prej kësaj duhet të lindin edhe dyshimet e para sesi nga Beleri tek ’greku’ më i fundit i Himarës, janë bërë helenë gjatë këtyre 30 viteve.
Ndaj, i betuar apo jo, emri i Fredi Belerit do të diskutohet gjatë edhe kur të reshtë së shkruari letra publike sepse nëse të shkuarën e ka të diskutueshme, të tashmen e ka flagrante. Ai dhe Athina./Javanews
Komente
Lajme të tjera
-
Rama në Selanik/ Elezi: E përdor nacionalizmin si mjet për votën e diasporës! Bala: Oksigjeni i Greqisë për pretendimet në Shqipëri është opozita
5 Nëntor, 17:24 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Dritan Hila: Mësimi që na dha Fred Beleri!
1 Nëntor, 11:58
-
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Hodhi kos e vezë drejt Fredi Belerit, shoqërohet në polici qytetari
30 Tetor, 12:10 -
I hodhën kos e vezë/ Greqia merr në mbrojtje Fredi Belerin: Shqipëria të garantojë sigurinë për eurodeputetët! Shoqërohet në polici njeriu që e goditi
30 Tetor, 11:38 -
Artan Lame: S'bëhet shteti me Avni Rustem a me Vasil Laç
30 Tetor, 09:23
-
Mero Baze: Opozita duhet të gjej udhëheqës të tjerë, jo popull tjetër
30 Tetor, 07:22
Ne Himare as ka patur e as ka minoritare Greke.Himara eshte pjese e teritorit Shqiptar si nga pozicioni gjeografik dhe nga popullsia.Po te shohesh origjinen e njerezve atje del qarte se nga e kane prejarrdhien.Z.gazetar edhe per ironi nuk duhet te thuash qe Goro eshte "minoritar" Grek nuk lind behesh si do Qeveria Greke.Fajin duhet ta kerkojme edhe tek qeverite tona qe nuk dine te luftojne per te drejtat e shqiptareve qe jetojne ne Greqi. Greqia,eshte i vetmi vend ne Ballkan qe nuk njeh minoritete.Greqia ne kete drejtim ka mbetur ne mesjete ku kombesia barazohej me fene.Ata akoma mendojne se Perandoria Bizantine ishte Perandori Greke.
Përgjigju