TIRANË - Silva Bino, Shefe e Epidemiologjisë dhe Kontrollit të sëmundjeve Infektive në Institutit e Shëndetit Publik, në një reagim në rrjetet sociale thotë se hetimi dhe gjurmimi epidemiologjik për rastet e dyshuara me koronavirus në Shqipëri ka nisur qysh në janar me personat e ardhur nga Kina. Doktoreshë Bino, në një përgjigje të akuzave se nuk po kryhen teste aq sa duhen, vlerëson punën e epidemiologëve në terren në gjurmimin e rasteve që sipas saj është themeli i kontrollit të sëmundjeve infektive.
Në fund, ajo bën një apel për të gjithë ata që studiojnë sëmundjet infektive të vijnë e të punojnë ne terren "pasi këtu vlerësohen dijet e mësuara dhe aplikohet epidemiologjia e vërtetë".
Reagimi i plotë i doktoreshë Silva Binos
Shumë njerëz flasin për testim pa e ditur se ai lidhet me hetimin dhe gjurmimin epidemiologjik pa e kryer kurrë atë dhe pa i ditur sfidat që ai paraqet. Gjurmimi epidemiologjik është themeli i çdo kontrolli të sëmundjeve infektive. Eshtë gjë e thjeshtë me fjalë e në letër por jo aq e lehtë ta kryesh ashtu si duhet në terren. Shumica flasin pa e ditur çfarë është dhe si kryhet ai sidomos në vende si tonat. Për fat të mirë Shqipëria ka një eksperiencë në këtë fushë dhe ka akoma epidemiologë të terrenit të cilët kohët e fundit janë pajisur edhe me aftësi të mira analitike dhe e marrin seriozisht këtë punë. Shumë shpërthime lokale të COVID-19 janë zbuluar dhe frenuar falë kësaj pune të epidemiologëve tanë të terrenit. Nuk kemi pasur kohe t'i paraqesim e përshkruajmë por do të bëhet dhe kjo jo vetëm në mediat tona por në artikuj dhe prezantime edhe ndërkombëtare.
1. Qysh në janar dhe fillim të shkurtit në Shqipëri janë gjurmuar rastet dhe kontaktet e tyre për personat që ktheheshin nga Kina apo kishin lidhje me vendet e prekura atje.
2.Qysh në fillimet e epidemisë në Itali janë gjurmuar raste të dyshuara për persona që ktheheshin nga Italia dhe kontaktet e tyre. Edhe në rastet e testimit negativ karantina nuk është ndërprerë.
3. Më pas u gjurmuan dhe gjurmohen dhe testohen rastet dhe kontaktet e tyre jo vetëm të ngushta por edhe të brezit të dytë e deri të brezit të tretë. Megjithë vështirësitë që hasin në terren epidemiologët tanë të terrenit po punojnë çdo ditë pa reshtur, pa u lodhur, pa u ankuar shtëpi më shtëpi e rrugë më rrugë.
4. Çdo ditë deri në 12 -2 të natës bëhet bilanci i gjurmimeve, kontrolli i izolimeve dhe karantinës dhe çfarë do të kryhet në të nesërmen në bashkëpunim me epidemiologët e ISHP.
5. Kush ka dyshime që kjo punë nuk është kryer apo nuk bëhet është i lutur të vijë këtu e të punojë bashkë me ne dhe epidemiologët e terrenit në çdo shtëpi për të kapur sa më herët rastet e dyshuara por edhe asimptomatikët i mirëpresim të gjithë pasi kritikat më të mira janë ato që bëhen në terren dhe jo ex katedra nga shtëpia apo televizori.
6. Sëmundja ka shumë të panjohura akoma por vetëm duke analizuar të dhënat tona dhe mësuar prej tyre dhe duke mësuar nga vende me eksperienca shumë të mira do të mundemi të veprojmë si duhet edhe në të ardhmen.
Çdo ditë analizojmë, korrigjojmë, përmirësojmë me durim përpara çdo vështirësie.
7. Për ata që studiojnë sëmundjet infektive është një shans të vijnë e të punojnë ne terren pasi këtu vlerësohen dijet e mësuara dhe aplikohet epidemiologjia e vërtetë. Një falënderim për të gjithë ju që punoni e drejtoni çdo ditë punën në terren Abikela, Rexhep, Linda, Moza, Nila,Mite, Marjeta, Merita, Goni, Adela, Sander, Moza, Shpëtim, Dhurata, Eris, Ervin, Denisa, Qazim, David, Arenc, Milto, Artan, Erleta, Jeta, Dashuri,Fatjon, Muharem, Irena, Enkela, Tetem, Luiza, Alma, Gledjon, Berti, Afrim, Urim dhe Zylfi e të gjithë skuadrave tuaja.
Komente
Lajme të tjera
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
EKSKLUZIVE/ Flasin prindërit e 1-vjeçarit që doli nga spitali me HIV/AIDS: Kush na ka infektuar fëmijën? QSUT ka tentuar të fshehë provat?
18 Dhjetor 2022, 17:32
-
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13
Edhe kushuriri im erdhi nga Greqia para 4 dite cdo dite jashte eshte, asnjeri nuk kontrollon
Përgjigjupo kur je ti dawn bashke me ate idjot qe ke per kushuri i plasi trapi korones ...do ju haj dopio pe heeeeeeeee
vetem mashtrime komshija ime erdhi ne dat 7-8 mars nga italia dhe per gati 10 dit dilte qe ne 8 te mengjesit dhe deri mbazdite dhe askush nuk e kontrolloi apo ndaloi vetem mbas 10 ditesh filloi te mos dilte me sepse ishte me mjekim (ftofhje ) dhe kush e verifikoi qe nuk ishte e infektuar
Përgjigjupo ti qe e dije pse nuk the gje?? apo e doje si argument per te kundershtuar ??