POP 5

Lajmet më të lexuara të 5 minutave të fundit

Politikë

PS-ja asamble online në 3 qytete brenda javës së parë të shtatorit, priten ndryshime në kupolë

Pandemia covid 19 ka vonuar realizimin e një sërë procesesh në PS, sikur është dhe asambleja kombëtare. Burime për Report tv bëjnë se selia rozë po shqyrton mundësinë e realizimit të asamblesë online,  në tre qytete të ndryshme, Tiranë, Shkodër dhe Fier.

Socialistët nuk do ti shohim kaq pranë njëri tjetrit në organizimin e radhës të Asamblesë. Për herë të parë, Asambleja Kombëtare e PS do të zhvillohet online, në pamundësi për të mbledhur fizikisht një numër të konsiderueshëm njerëzish , për shkak të pandemisë Covid-19.

Report tv mëson se Asambleja online nuk do të zhvillohet vetëm në Tiranë, ndonëse aty do të jetë baza kryesore. Selia rozë po shqyrton mundësinë e mbledhjes së ekipeve të saj në 3 rajone të Shqipërisë, rajoni i veriut të organizohet në Shkodër, rajoni qendror në Tiranë dhe jugu në Fier. Të gjitha këto rajone do të jenë në komunikim online me bazën në Tiranë, ku socialistët mendohet të organizohen tek Amifteatri, i cili sipas tyre ka kapacitet mjaftueshëm për të siguruar distancimin e nevojshëm.

Ndonëse nuk është caktuar ende një datë, i  sigurt është fakti që Asambleja Kombëtare e PS do të mblidhet brenda javës së parë të shtatorit, pra pa  filluar sesioni i ri parlamentar.

Ndryshime të rëndësishme pritet të ketë në kupolën e Partisë Socialiste pasi nga Asambleja do të dalin dhe organet drejtuese të kësaj partie, sekretari i përgjithshëm i Partisë, kryesia, dhe sekretariati ekzekutiv. Sa i përket kryesisë, jo pak pikëpyetje ka për disa nga anëtarët aktual si Ditmir Bushati, Fatmir Xhafaj, Vangjush Dako etj.

Organizimi i Asamblesë do të shtojë dhe ankthin e ministrave, pasi shumë  është përfolur dhe për ndryshime në qeveri. Eksponentë të ndryshëm të PS, nuk e kanë përjashtuar si mundësi rifreskimin e kabinetit të qeverisë, ndonëse e kanë lënë në dorë të kryeministrit Rama të vendosë nëse në zgjedhjet e ardhshme do të shkojë me një qeveri të ndryshuar ose jo.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56