Bie një tjetër dekret/ PS-ja rrëzon Metën edhe për rezervat e shtetit, kompetencat i merr Rama

Bie një tjetër dekret/ PS-ja rrëzon Metën edhe për rezervat e shtetit, kompetencat i merr Rama

TIRANE-Ndërkohë që presidenti Ilir Meta dëshmonte përballë deputetëve të Kuvendit në Komisionin Hetimor në lidhje me çdekretimin e zgjedhjeve të datës 30 qershor, deputetët në Komisionin e Sigurisë kanë rrëzuar dekretin e presidentit Meta për “Për rezervat materiale të shtetit”.

Pak ditë më parë presidenti Meta ktheu në Kuvend për rishqyrtim ligjin, “Për rezervat materiale të shtetit”, për të cilin opozita tha se me ndryshimin e ri kryeministri Edi Rama merr të drejtën e blerjes së arit në Shqipëri.

Deputetja e Partisë Socialiste Antoneta Dhima ka deklaruar gjatë komisionit se e rëndësishme është që të kontrolli ndaj mallrave A, të kryhet në mënyrë të imtësishme. Në arsyet e kthimit të ligjit, Presidenti Meta deklaronte se ndryshimi i bërë nga qeveria është i pajustifikuar.

Sipas tij, ky ndryshim përbën rrezik të shtuar për cenimin e interesit publik, që mund të vijë nga keqadministrimi dhe shpërdorimi i pushtetit vendimmarrës për lëvrimin e mallrave të rezervave të shtetit, pjesë e grupit A.

Ligji e ndryshonte të drejtën për lëvrimin e mallrave rezervë të shtetit që bëjnë pjesë në grupin A, duke e zëvendësuar miratimin e lëvrimit të tyre nga “me vendim të Këshillit të Ministrave” siç parashikon aktualisht ligji në fuqi, me një akt individual, “Urdhër të Kryeministrit”. Qeveria argumentonte se kjo bëhej për të thjeshtuar proçedurat. Në nisje të sesionit të ri parlamentar shumica po rrëzon të gjitha dekretet e kthyera nga Meta. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kosova hap drejt anëtarësimit në KiE, eksperti i sigurisë: Serbia mund të përshkallëzojë situatën, grupet kriminale po përgatiten për sulm në veri

Kosova hap drejt anëtarësimit në KiE, eksperti i sigurisë: Serbia mund të përshkallëzojë situatën, grupet kriminale po përgatiten për sulm në veri