POP 5

Lajmet më të lexuara të 5 minutave të fundit

Ekonomi

Inflacioni s’ndal ndërtimet! Rriten lejet për ndërtesat e reja në 3 mujorin e 2022-it! Durrësi me numrin më të lartë, Tirana e dyta

Të dhënat e INSTAT tregojnë se sektori i ndërtimit vazhdion të ketë rritje dhe rritja e çmimeve nuk ka ndikuar gjatë vitit 2022. Vetëm në 3 muajt e fundit të vitit 2022 janë rritur 16.6% numri i lejeve të dhëna për ndërtim, ku mëe shuym,ë lejë ka miratuar bashkia e Durrës, ndërsa rekord më vete ka shënuar bashkia e kukësit që për 6 muaj nuk ka miratuar asnjë leje ndërtimi.

Pavarësisht inflacionit nga lufta në Ukrainë, sektori i ndërtimit vazhdon të ketë tendencë rritjeje. Sipas të dhënave të INSTAT, në tre mujorin e fundit të vitit 2022, numri i lejeve të reja të ndërtimit ishte 415 dhe është rritur me 16.6% më shumë se në të njëjtën periudhë të vitit 2021, kur ishin miratuar 356 leje.

Numrin më të madh të lejeve të ndërtimit e ka dhënë Bashkia e Durrësit, 189 kundrejt 89 të Tiranës, ndërsa vlen të veçohet bashkia e Kukësit që në 6 muajt e fundit të 2022 nuk ka dhënë asnjë leje ndërtimi. Pavarësisht se Durrësi është në vendin e parë për lejet e ndërtimit të dhëna, sa i takon sipërfaqes së lejeve të ndërtimit të miratuar, Tirana është në vendin e parë me 348.310 metra katror, kundrejt 79.491 në Durrës.

Por sipas INSTAT sipërfaqja e lejeve të ndërtimit miratuar për ndërtesa të reja, në tremujorin e katërt 2022, është 555.779 m 2 , nga 608.870 m 2 miratuar në tremujorin e katërt 2021, duke shënuar një ulje prej 8,7 %.

Sa i takon vlerës së lejeve të ndërtimit të dhëna, për ndërtesa dhe punime inxhinierike gjatë 2022 llogaritet në 26.6 miliardë lekë, nga 27,0 miliardë lekë miratuar në tremujorin e katërt 2021, duke shënuar një rënie prej 1,7 %. Lidhur me vlerën, vihet re se Tirana edhe këtu mban vendin e parë me 12.156.725 milionë lekë, e ndjekur nga Elbasani, me 3.830.507, dhe pse në Elbasan janë dhënë vetëm 23 leje ndërtimi. Ndërsa Durrësi, edhe pse ka numrin  më të madh të lejeve të ndërtimi, vlerën e lejeve të ndërtimit e ka 2.691.797, ose 1 milionë më pak se Elbasani.

Gjatë vitit 2022, janë miratuar gjithsej 1.420 leje ndërtimi nga 1.396 leje të miratuara në vitin 2021, duke shënuar një rritje prej 1,7 %. Gjatë vitit 2022, sipërfaqja e lejeve të ndërtimit miratuar për ndërtesa të reja është 2.667.497 m 2 , nga 2.316.709 që ishte në vitin 2021, duke shënuar një rritje prej 15,1 %. Vlera e përafërt e lejeve të ndërtimit miratuar për ndërtesa dhe punime inxhinierike është 113 miliardë lekë në vitin 2022, nga 99.2 miliardë lekë miratuar gjatë vitit 2021, duke shënuar një rritje prej 14 %.

Ajo që bie në sy është fakti se lejet e ndërtimit kryesisht janë miratuar për linjat e ujësjellësit, linjat elektrike dhe telekomunikacion me vlerën 2 777 135 lekë. Ndërsa investimet për hotele, zyra, apo objekte tregtare kapin vlerën në total 1 663 123 lekë.

Lejet e ndërtimit të dhëna në bashkitë kryesore të vendit

(Kliko këtu ) Raporti i plote

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15