Receta

Pulë me bizele, karrota e patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 27 Qershor, 12:24 | Përditesimi: 27 Qershor, 12:26

Pulë fshati me bizele, karrota dhe patate

Përbërësit:

1 zog/pulë fshati
4-5 lgj gjalpë
1 kokërr qepë
1 gotë bizele
4-5 karrota
5-6 patate mesatare
1/2 gotë verë
3-4 domate
1 tufë mjadanoz
1 tufë kopër
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Presim pulën në racione, e pudrosim me kripë e piper, e kalojmë pak në miell dhe e skuqim me pak gjalpë nga të gjitha anët. Hedhim qepën e grirë në kubikë të vegjël dhe pasi të skuqet e shuajmë me pak verë. Sapo të avullojë alkooli shtojmë domatet, pasi i kemi hequr cipën dhe i kemi prerë në feta të vogla. Hedhim pak ujë dhe vendosim enën në furrë që pula të piqet përgjysëm. Gjatë kësaj kohe, përvëlojmë bizelet në ujë të vluar dhe së bashku me karrotat e prera në feta dhe patatet pasi i kalojmë pak në tigan me pjesën tjetër të gjalpit që mbeti, i bashkojmë me mishin. Nga fundi i pjekjes shtojmë kripë, piper, kopër, majdanoz të grirë hollë si dhe pak ujë në qoftë se ka nevojë. E mbulojmë me kapak dhe e vendosim përsëri në furrë që të përfundojë pjekja edhe për 20 minuta. E shërbejmë të ngrohtë, mishin e vendosim në mes të pjatës kurse zarzavatet anash dhe sipër u hedhim salcën e tyre.

MC/Shqiptarja.com

TAG: