Receta

Pulë e tiganisur me domate dhe patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Nëntor 2023, 13:00 | Përditesimi: 9 Nëntor 2023, 13:02

Pulë e tiganisur me domate

Përbërësit:

1 pulë e vogël
1 lgj miell
2-3 domate
1 filxhan kafeje verë
50 gr gjalpë
Kripë, piper i zi,
Majdanoz i grirë hollē
Patate të vogla sipas dëshirës

Përgatitja:

LEXO EDHE:
Peshq të vegjël me salcë domate të aromatizuar nga zonja Albana

Ndajmë pulën në racione, e spërkasim mirë me miell dhe e kalojmë në tigan me pak gjalpë duke e skuqur nga të gjitha anët. Pasi mishi i pulës merr pak ngjyrë shtojmë domatet e prera në kubikë të vegjël. I kaurdisim për pak minuta, i shuajmë me verë të bardhë dhe sapo të avullojë alkooli rregullojmë shijen me kripë, piper të zi duke hedhur dhe pak ujë. Vendosim kapakun dhe e lëmë të gatuhet për 10-15 minuta. sipas dëshirës mund të shtojmë dhe disa patate të vogla ose mund t’i ziejmë paraprakisht dhe t’i tiganisim me pak gjalpë. Pasi pula me domate të jetë gati e shërbejmë të ngrohtë së bashku me patatet spërkatur me majdanoz.

MC/Shqiptarja.com

TAG: