Receta

Pulë frikase me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Maj, 11:23 | Përditesimi: 17 Maj, 11:25

Pulë frikase

Përbërësit:

1 pulë mesatare
2 lgj gjalpë
2-3 qepë të vogla
2-3 karrota
2- 3 patate
1 rrënjë selino
2 lgj miell
1 fç qumësht
1 kokërr vezë
1 kokërr limon
1 tufë kopër
Kripë, piper

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Pulën e pastruar dhe të larë e presim në racione, shtojmë ujë të nxehtë, kripë dhe piper dhe e lëmë të ziejë në zjarr të ngadaltë. Në gjysmën e zierjes hedhim qepë të vogla (qepujka) ose të bardhat e qepëve të njoma, karota të prera në formë kubike, selinonë dhe më pas patatet të prera në kubikë. Shtojmë pak kopër dhe e lëmë të gatuhet në zjarr të ngadaltë. Ndërkohë në një tenxhere me gjalpë kaurdisim pak miell, pa u skuqur, e largojmë nga zjarri dhe pasi të ftohet hedhim pak qumësht të vakët, e përziejmë mirë dhe më pas shtojmë lëngun e pulës. E vendosim në zjarr dhe duke e përzier e lëmë derisa të trashet. Pasi ka zjerë 2-3 minuta, e heqim nga zjarri, e lëmë të ftohet dhe shtojmë të verdhat e vezëve me lëng limoni. E hedhim salcën e përgatitur në tenxheren me pulë, e trazojmë dhe e servirim menjëherë të ngrohtë me pak gjalpë të freskët dhe kopër të grirë hollë.

MC/Shqiptarja.com

TAG: