Receta

Pulë me petë në tavë nga zonja Albana, receta e vjetër e traditës shqiptare

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Shtator, 11:15 | Përditesimi: 13 Shtator, 11:17

Pulë në tavë me petë

Përbërësit:

1 pulë mesatare
600 gr miell +400 ml ujë ose petë të pjekura të gatshme
2 kokrra qepë
100 gr gjalpë /margarinë
Pak niseshte
Vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Këtë gatim mund ta bëjmë me petë të gatshme të pjekura ose me petë të përgatitura vetë. Në fillim përgatisim brumin për petët. Në një enë hedhim miellin, e hapim në mes, hedhim një lugë vaj ulliri, pak kripë dhe ujin e vakët. E përziejmë mirë për 5-6 minuta dhe e mbulojmë me një qese kuzhine. E lëmë të pushojë për 30 minuta. Në një enë kaurdisim qepët e grira hollë derisa të skuqen pak. Më pas hedhim mishin duke e kaurdisur për 5-6 minuta të tjera së bashku me qepën. I hedhim pak piper dhe spec sipas dëshirës. Shtojmë ujë dhe e lëmë për disa minuta të tjera. Ndërkohë ndajmë brumin në 10 -12 toptha të vegjël. Petët i hapim me okllai duke i spërkatur sipër me niseshte. I pjekim një e nga një në furrë sa të zverdhen pak në temperaturë maksimale. Marrim një tavë, e lyejmë me gjalpë dhe i hedhim pak lëng mishi. Vendosim petën e parë dhe e spërkatim me lëngun e mishit. Kështu vazhdojmë derisa të vendosim 5-6 petë. Petët e sipërme i copëtojmë dhe i vendosim sipër petëve të tjera duke vazhduar spërkatjen me gjalpë dhe lëng mishi. Në fund mbi petët vendosim thelat e pulë dhe e vendosim në pjekje në furrë të nxehur në 200 gradë për 15-20 minuta.

MC/Shqiptarja.com

TAG: