Punishtja është gjithë jeta e tij. Axhi Dapaj ka afro gjysmë shekulli që punon me përkushtim në punishten e tij të drurit në periferi të Vlorës. Në një rrëfim për Report Tv, 69-vjecari shprehet se e ka zbuluar pasionin kur ishte fare i ri dhe i duhej të ndërtonte shtëpinë e tij.
"Jam usta i 72'. Qëkur jam liruar nga ushtria. E kam bërë shtëpinë time. Dyert e dritaret kishin nevojë për para. Kam bërë tavanin me gjegje që në atë kohë. Fillova nëpër miq e shok. Në fshatra", tha artizani.
Më kohën e diktaturës, kur nuk lejoi tregtia ai bënte mobilje vetëm për miqtë dhe familjarët, ndërsa pas viteve '90 ka hapur punishten fillimisht në fshatin e lindjes e më pas në Vlorë.
"Jam zanatçiu i të gjitha gjërave. Jam i vetmi që bëj çdo gjë që është mbi tokë", tregoi zanatçiu Axhi Dapaj.
Në këtë punishte përpos mobiljeve gjen edhe punime artizanale. Dapaj rrëfen me pasion kohën që i kushton gdhendjes së drurit.
"Merr drurin dhe shkurton sa do. Do i japësh formën që duhet. Kur i jep formën e duhur e bëj me letër. Do një 3 orë punë", tregoi ai.
Një vazo që kushton vetëm 8 mijë lekë, mjeshtrit i duhen shumë orë pune.
"Kanë angari. Një vazo lulesh do 4-5 ditë. Një vazo e madhe ka shumë copë. Do prihen. Do sajohet", u shpreh Dapaj.
Drize e butë, bredh, arrë janë disa nga llojet e drurit me të cilat janë punuar vazot e luleve, dybekët, tabakatë, bucelat e rakisë e plot objekte të tjera që Dapaj i tregon kryesisht gjatë verës kur qyteti bregdetar frekuentohet nga turistët.
"Më ka dhënë bashkia vend në Lungomare. Kur vijnë turistët. Ato na marrin më shumë", tha ai.
69-vjeçari ka dhe një kërkesë për qeverinë.
"Mirë është që të na lërë të lirë që të shes në Tiranë, Krujë, Korçë. Pse mos të dal. Nuk i kemi të vjedhura", përfundoi ai.
Artizantë si Axhi Dapaj janë të rrallë në Vlorë dhe punimet dekorative, tradicionale preferohen më shumë nga të huaj që vizitojnë vendin tonë.
Lajme të tjera
-
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Bashkia e Vlorës zhvendos tregun e gjësë së gjallë, tregtarët bëjnë rezistencë: S’vjen njeri të blejë kaposhë në Nartë se është larg
18 Dhjetor, 17:08
-
Shpërndanin drogë në Sarandë e Delvinë, “Arrest në burg” për 12 persona
18 Dhjetor, 17:02
-
I dënuar me 21 vite burg në Itali për trafik droge, konfiskohen dy resorte në Sarandë të Emiljan Burbës! Vlera rreth 3 mln euro (VENDIMI)
18 Dhjetor, 10:04 -
Arrestohet hajduti i biçikletave në Vlorë, momenti kur kryen një nga grabitjet
17 Dhjetor, 12:00 -
I vuri tritol lokalit ‘The Boss’ në Lungomare, Gjykata e Vlorës lë në burg 28-vjeçarin! Selamaj zgjedh heshtjen (VENDIMI)
16 Dhjetor, 15:38 -
Vlorë/ Rekrutonin shtetas të huaj për aktivitet kriminal, Gjykata lë në qeli ukrainasin dhe bjellorusin, liron 2 të tjerët për mungesë provash (EMRAT+VENDIMI)
16 Dhjetor, 15:20 -
Vlorë/ Shpërndanin lëndë narkotike pranë shkollave, Prokuroria kërkon arrest me burg për autorët
16 Dhjetor, 12:55 -
Policia operacion kundër shpërndarësve të drogës në Vlorë, Sarandë e Delvinë, 12 të arrestuar, 1 në kërkim
16 Dhjetor, 10:57 -
Vlorë/ Shpërndanin kanabis në doza, arrestohen 3 persona, shpallet në kërkim një tjetër
15 Dhjetor, 13:50 -
Vlorë/ Shfrytëzonte të rinj nga Ukraina bashkë me 4 të tjerë, i rekrutonin si shpërndarës droge, vihet në pranga 24-vjeçari
15 Dhjetor, 11:29 -
Vlorë/ Vodhën para në një banesë, bagëti dhe koshere bletësh, zbardhen 6 raste vjedhjesh në Dukat, Radhimë dhe Orikum, në pranga 2 autorët
15 Dhjetor, 10:59
