Ardian Bitraj pretendon se ka harxhuar paratë e vjedhura në bankë, kanë treguar për gazetën “Shqiptarja.com” se Bitraj vinte shpesh në kazino dhe luante shuma të mëdha
parash. Ata shprehen se e dinin që ai punonte në Bankës së Shqipërisë, por s’kishin dijeni që paratë që linte në kazino ai i vidhte në Thesarin e Shtetit.
 
Duke pranua të flasin vetëm me anonimat, punonjësit e kazinosë pohojnë se: ”Jemi habitur kur pamë në televizor fotografinë e Ardianit. Ai luante shpesh herë shuma të mëdha parash në kazino. Shpesh herë Ardiani linte deri në 20 milion lekë të vjetra. Kishte dhe raste kur ai hynte borxh, shumë të mëdha financiare deri në 50 milion lekë.
Këto shifra ai na i premtonte se do i kthente sërisht, pasi do i vinin disa para nga jashtë, prej një shokut të tij. Siç po dëgjojmë  tani ai këto para i vidhte në bankë”.
 
Më tej, punonjësit e kazinosë kanë treguar për “Shqiptarja.com” se një ditë më parë janë marrë në pyetje nga policia e Tiranës, lidhur me këtë ngjarje. Njëherësh ata
tregojnë se policia u ka marrë dhe pamjet filmike për të verifikuar praninë e Ardian Bitraj në ambientet e kazinosë. Të gjitha këto veprime hetimore janë kryer nga prokuroria e Tiranës, për të parë vërtetësinë e dëshmisë së Bitraj, pasi ka dyshime se ai nuk është treguar i sinqertë para prokurorëve.