POP 5

Lajmet më të lexuara të 5 minutave të fundit

Kronikë

Punonjësit e Bankers Petroleum Albania dhurojnë gjak për fëmijët talasemikë

Drejtuesit e kompanisë naftënxjerrëse në Patos -Marinëz, Bankers Petroleum Albania, së bashku me dhjetra punonjës dhuruan sot vullnetarisht gjak për fëmijët e sëmurë me talasemi. Drejtori i Përgjithshëm i Bankers, Qing Fang tha se e kemi mbështetur iniciativën e Kryqit të Kuq sepse mund të përmirësojmë jetën e të sëmurëve me talasemi: Duam të përmirësojmë jetën e të sëmurëve

TIRANË- Në ndihmë të fëmijëve që vuajnë nga sëmundja e talasemisë, dhjetëra punonjës të kompanisë Bankers Petroleum Albania dhuruan sot gjak. Kompania iu përgjigj thirrjes së Kryqit të Kuq Shqiptar për të dhuruar vullnetarisht gjak, një akt i rëndësishëm që shpëton jetë. Bashkë me punonjësit dhuruan gjak edhe Drejtori i Përgjithshëm i Bankers Petroleum Albania, Qing Fang me Nëndrejtorin për Zhvillimin e Kërkimit të Naftës, Luntao Chen.

“Talasemia është një sëmundje që i shoqëron njerëzit e prekur prej saj përgjatë gjithë jetës dhe kërkon transfuzion të vazhdueshëm gjaku.  Ne jemi kompani me sensibilitet të lartë përsa i përket përgjegjësisë sociale. Ne e kemi mbështetur këtë iniciativë të Kryqit të Kuq sepse mund të përmirësojmë jetën e të sëmurëve me talasami. U jam shumë mirënjohës punonjësve tanë që kanë dhuruar gjak sot. Ne do të vazhdojmë të kontribuojmë në nisma që ndihmojnë dhe mbështesin komunitetin”, thotë CEO i Bankers Petroleum Albania, Qing Fang.

Mjeku Endrit Susaj,  përgjegjësi i bankës së gjakut në Lushnje, falënderoi të gjithë punonjësit e kompanisë Bankers Petroleum Albania që iu bashkuan kësaj nisme kaq të rëndësishmë dhe bëri thirrje që sa më shumë qytetarë të kontribuojnë vullnetarisht për të shpëtuar jetën e mijëve talasemikë.

 “Punojnësit e Bankers Petroleum, i janë përgjigjur pozitivisht thirrjes tonë për të dhuruar gjak në ndihmë të fëmijëve talasemikë. I falënderojmë për këtë organizim që Bankers Petroleum ka bërë  në bashkëpunim me kryqin shqiptar për këtë seancë dhurimi. Gjithashtu i bëjmë thirrje të gjithë qytetarëve që kanë mundësi të dhurojnë gjak në ndihmë të këtyre fëmijve. Është një periudhë jashtëzakonisht e vështirë vera, pasi mungesat për gjak janë shumë më të mëdha,” tha përgjegjësi i bankës së gjakut Lushnjë, Endrit Susaj. 

Në Shqipëri nevojiten mbi 80 njësi gjaku dhe numërohen mbi 600 pacientë me Talasemi, të cilët e kanë të nevojshme të kryejnë transfuzion çdo tre javë. Një numër i madh prej këtyre pacientëve janë fëmijë të moshave të ndryshme. 

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54