Punonte në një lokal në Sarandë, u rrëmbye nga 3 persona, në kërkim të Majlinda Nuhos

Majlinda Nuho është vajza e parë e gjashtë fëmijëve të ciftit Veiz dhe Fotini me origjinë  nga Tepelena. Ishte 22 vjece kur e rrëmbye në sy të vëllait të vogël në vitin 2001. Si vajza më e madhe e familjes ajo nuk mundi dot të mbaronte shkollën, por kujdesej për motrat dhe vëllezërit më të vegjël, ndërsa kur vetë u martua me Delo Bitaj nga Vlora më 1989 nëna e saj ishte shtatzënë me djalin e fundit të familjes Emiljanon, ai i cili më vonë do të bëhej edhe dëshmitari i rrëmbimit të së motrës kur ishte afro 10 vjec dhe Majlinda një 22 vjecare, nënë e një djali.

Klodjani u lind në vitin 1993. Majlinda jetonte me të shoqin në Vlorë deri në momentin që u nda me bashkëshortin, ajo vendosi të zhvendoset bashkë me Klodjanin e vogël në familjen e saj në Shën Vasil të Sarandës. Majlinda arrin të zë punë në Sarandë, ndërsa rriste edhe djalin e vetëm. Kishte afro 6-7 muaj që punonte si kamariere në lokalin që sot quhet’’Krahu i shqiponjës’’, (Ekziston ende dhe pronari ka vdekur). Ishte fillim gushti atë ditë kur vëllai i saj Emiljano kishte shkuar të merrte të motrën në punë. Në momentin që dolën nga lokali 3 persona me kapele të moshës 27-28 vjec u dalin përpara, ndërsa në pak minuta ndodh edhe rrëmbimi i 22-vjecares Majlinda Nuho të cilën e hipin në një makinë të zezë. Kaq mban mend vëllai Emiljano, i cili sot është 27 vjec dhe ka vendosur të rrëfejë këtë histori në kërkim të gjurmëve të Majlindës, e cila la edhe djalin e vetëm 7 vjecar në atë kohë.

Familjarët denoncuan në polici, asgjë nuk u mësua më pas për fatin e saj. Ishte 22 vjece kurt u rrëmbye sot Majlinda është një 40-vjecare.  Sot djali i saj Klodjani jeton në Francë. Ai është 23 vjec dhe ishte një i mitur kur nëna iu rrëmbye. Ndërsa u rrit nga njerka pasi babai u rimartua pas ndarjes me Majlindën. Në vitin 1995 u larguan familjarisht në Greqi. Klodjani është martuar me një shtetase franceze në vitin 2013, ndërsa mori me vete në Francë edhe babain bashkë me njerkën, por këta të fundit u kthyen pasi nuk e kanë fituar azilin…Familja e Majlindës ka dyshimet e saj. Dyshojnë se bashkëshorti mund të ketë dijeni lidhur me rrëmbimin e Majlindës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet