Pranimi i Suedisë dhe  Finlandës në NATO nuk e shqetëson Rusinë, e cila megjithatë rezervon të drejtën t'i përgjigjet një "dislokimi të mundshëm të infrastrukturës ushtarake dhe kontingjenteve të Aleancës Atlantike" në dy vendet nordike duke ndjekur parimin e reciprocitetit, kjo sipas presidentit rus Vladimir Putin .

“Suedia dhe Finlanda në NATO "nuk krijojnë të njëjtin problem që do të lindte në rastin e Ukrainës" në Aleancën Atlantike. Ne nuk kemi mosmarrëveshje territoriale me ta. Anëtarësimi i tyre në NATO nuk na shqetëson. Ata janë të lirë të bëjnë çfarë të duan” tha  Putin nga Ashgabat.

“Kemi pasur marrëdhënie pozitive me Finlandën dhe Suedinë dhe tani do të ketë disa tensione. Është e qartë, nuk ka asnjë mënyrë për ta shmangur atë”, shtoi presidenti rus.

 


Lajmi kryesor:

Lufta në Ukrainë/ Biden: Samit historik, NATO është më e bashkuar! Rusët largohen nga ishulli i gjarpërinjve! Widodo i jep Putinit mesazhin e Zelenskit