POP 5

Lajmet më të lexuara të 5 minutave të fundit

Kosova & Rajoni

Putin letër Vuçiçit: Vazhdojmë dialogun konstruktiv, bashkëpunim të ngushtë për çështje ndërkombëtare

Në një letër dërguar presidentit të Serbisë, Aleksandar Vuçiç, presidenti i Rusisë, Vladimir Putin, tha se llogarit në “vazhdimin e një dialogu konstruktiv me të” dhe në “bashkëpunim të ngushtë për çështje aktuale të agjendës dypalëshe, rajonale dhe ndërkombëtare”.

Putin letër Vuçiçit: Vazhdojmë dialogun konstruktiv, bashkëpunim të ngushtë për çështje ndërkombëtare

Në një letër dërguar presidentit të Serbisë, Aleksandar Vuçiç, presidenti i Rusisë, Vladimir Putin, tha se llogarit në “vazhdimin e një dialogu konstruktiv me të” dhe në “bashkëpunim të ngushtë për çështje aktuale të agjendës dypalëshe, rajonale dhe ndërkombëtare”.

Letrën e Putinit, drejtuar Vuçiqit, e dorëzoi ambasadori rus në Serbi, Aleksandr Bochan Kharchenko, në një takim të mbajtur të mërkurën në Presidencën e Serbisë.

“Dialogu midis Rusisë dhe Serbisë korrespondon me interesat themelore të popujve vëllazërorë dhe kontribuon në stabilitetin dhe sigurinë në kontinentin evropian”, shkroi Putin në letër, transmeton Shërbimi i Ballkanit i Radios Evropa e Lirë.

Putin po ashtu tha se bisedimet e tij me Vuçiçin në Soçi të Rusisë “konfirmuan plotësisht forcën e partneritetit strategjik midis Rusisë dhe Serbisë”.

Vuçiç dhe Putin u takuan në Soçi më 25 nëntor, për të diskutuar për furnizimet me gaz në Serbi, për Kosovën dhe për çështje të tjera dypalëshe.

Në këtë takim u ra dakord për uljen e çmimit të gazit rus për Serbinë dhe për rritjen e importeve.

Vuçiq u takua me Putinin edhe në qershor të vitit 2020, kur ai mori pjesë në një paradë ushtarake në Moskë.

Pikërisht për shkak të bashkëpunimit me Rusinë, Serbia është në shënjestër të kritikave nga Perëndimi, sepse si vend kandidat për anëtarësim në Bashkimin Evropian, ajo nuk e ka harmonizuar ende politikën e saj të jashtme me atë evropiane./REL

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

Dhunoi në tetor babë e bir të familjes Caca në Fushë-Krujë, arrestohet Ariel Rraja, nipi i ish-deputetit socialist Rrahman Rraja

23 Janar, 10:42