Putin: Rajonet e aneksuara nga Ukraina 'do të bëhen një' me Rusinë, do ta arrijmë qëllimin

Presidenti rus Vladimir Putin tha se Moska "do t'i arrijë qëllimet e saj" në "rajonet e reja ruse" të Lugansk, Donetsk, Zaporizhzhia dhe Kherson, të cilat do të "bëhen një" me Rusinë.

"Unë synoj të garantoj sigurinë, të rivendos jetën paqësore në republikat e Lugansk, Donetsk, Zaporizhzhia dhe Kherson. Ne patjetër do ta arrijmë qëllimin tonë. Në të ardhmen, mbi të gjitha çështjet kyçe për njerëzit në ekonomi, në sferën sociale dhe në fushën e qeverisjes, këto rajone do të bëhen një me vendin”, tha Putin në një takim të Këshillit për Zhvillimin Strategjik dhe Projektet Kombëtare.

LEXO EDHE:
Ministria ruse e Mbrojtjes: Sistemet e Mbrojtjes ajrore rrëzuan 17 dronë ukrainas në 4 rajone

Presidenti i kërkoi Kabinetit të Ministrave të "përgatisë një program të veçantë për zhvillimin socio-ekonomik të subjekteve të reja të federatës deri në fund të tremujorit të parë të vitit të ardhshëm", duke shtuar se "deri në vitin 2030", rajonet e aneksuara nga Ukraina "ato duhet të arrijë nivelin gjithë-rus për sa i përket cilësisë së infrastrukturës, shërbimeve sociale dhe shumë parametrave të tjerë të cilësisë së jetës”. Përgjegjësinë për këtë punë do ta marrin personalisht ministrat dhe zëvendëskryeministrat përkatës, shtoi presidenti rus.

Lajmi kryesor:

Lufta në Ukrainë/ SHBA s'konfirmon dorëzimin e raketave Patriot! Putin anulon fjalimin e përvitshëm për 'gjendjen e kombit'

F.D/Shqiptarja.com

TAG:
• lufta ne ukraine
• ukraine
• Putin