POP 5

Lajmet më të lexuara të 5 minutave të fundit

Kronikë

Qafë Mollë, si u shumuan mbetjet
kimike, nga 16 në 100 ton

Drejtues te Ministrisë se Mbrojtjes thonë se kjo sasi ka ardhur si pasoje e depozitimit jo vetëm te asgjësimit të 16 ton armeve luftarake por dhe helmeve te tjera.
TIRANE-   Që nga 2007, Shqipëria u deklarua si një vend i pastër nga mbetjet kimike pas procesit për asgjësimin e 16 toneve armatimi kinez, që ishin të mbartura nga koha e Enver Hoxhës.

Sot pas 6 vitesh, rezulton se vendi ynë, vijon të ketë 100 ton mbetje kimike të riambalazhuaura, në Qafë Mollë. Historia nisi që në kohën e ministrit të Mbrojtjes se asaj kohe, Fatmir Mediu me 2 senatorë amerikane të cilët mundësuan nisjen e procesit per t’i eleminuar ato.
 
Shtetet e Bashkuara te Amerikes dhanë 45 milionë dollarë duke marrë përsipër shkatërrimit e tyre përmes furrave, proces i instaluar ne Qafe Mollë dhe që përfundoi po aty. Ushtarakë me grada brenda ministrisë pohojnë se për asgjësimin e këtyre 16 ton armatim siguria ka qenë e lartë, duke përmendur një detaj që kishte tre radhë sigurie me dyer të blinduara për të cilën hynin vetëm ekspertët amerikane.

Kompania që bëri asgjësimin, shprehte shqetësim për 30 kontenierët ku ndodheshin mbetjet e rrezikshme. Agjencia e Mbrojtjes për Reduktimin e Rrezikut, ra dakort për të paketuar mbetjet me veshje të dyfishtë kundër rrjedhjes, që do t’i mbanin mbetjet të sigurta për 20 vjet në strukturën e Qafë Mollës. Kjo i jepte kohë ndertimit te nje strukture për mbetjet e rrezikshme, e cila do të ishte e aftë t’i përballonte ato.
 
Por Agjencia e Mbrojtjes për Reduktimin e Rrezikut mori paratë dhe u largua përpara se ta përfundonte punën dhe la pas disa kontenierë shtesë për mbetjet që do të menaxhoheshin nga shqiptarët.
 
Me kalimin e viteve keto mbetje u përzien duke e çuar ne 100 ton sasinë e helmeve . Për ato tashmë duhet të gjente një zgjidhje ministri i radhës Arben Imami që në 16 prill 2012 nënshkroi një marrëveshje me OSBE, për të hequr nga inventari i forcave të armatosura 100 ton helmet e cilat mbeten ne zonën prapa malit te Dajtit, vetëm disa kilometra larg kryeqytetit.
 
Drejtues te Ministrisë se Mbrojtjes thonë se kjo sasi ka ardhur si pasoje e depozitimit jo vetëm te asgjësimit të 16 ton armeve luftarake por dhe helmeve te tjera.
 
Ato tashme janë riambalazhuar ne pritje për t’u çuar jashtë shteti, pa u specifikuar se ku do të jetë destinacioni i radhës. Vetëm nëse dërgohen jashtë mund te lëshohet nga Ministria jonë e Mbrojtjes një certifikate që vulos përfundimin e procesit.


Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Durrës/ Shpërndante kanabis në lagjet e qytetit, arrestohet një 24-vjeçar

Durrës/ Shpërndante kanabis në lagjet e qytetit, arrestohet një 24-vjeçar

11 Janar, 10:59