'Qaj se nuk do t'i takosh kurrë vajzat e mia', Emina Çunmulaj i drejtohet nënës me fjalët prekëse

Modelja shqiptare me famë botërore Emina Çunmulaj na ka prekur me postimin e saj të fundit kushtuar nënës së saj, e cila vdiq 6 vite më parë.

“Unë thjesht mësova si ta vazhdoj jetën pa ty, nuk e di si. Ndonjëherë mendoj sikur je thjesht në një vend tjetër të botës dhe do të të shoh së shpejti. Herë të tjera dëgjoj zërin tënd në regjistrime dhe mendoj se je sërish diku dhe do të të takoj sërish.

Por ndonjëherë thjesht qaj sepse e di që s’do të mundem të të përqafoj më dhe ti nuk do t’i takosh kurrë vajzat e mia, tek të cilat të shoh shpesh ty. Ndonjëherë ndjej se ti je kudo përreth meje dhe oh, sa do të doja të më shikoje.

E di që do të ishe krenare se sa nënë e mirë jam për vajzat e mia. E kam mësuar gjithçka nga ty. Më mungon kaq shumë mami. S’më besohet që kanë kaluar 6 vite, duket sikur ndodhi dje”, shkruan Emina.

Emina është një ndër modelet më të kërkuara dhe ka marrë pjesë në faqen e kopertisës në shumë revista të famshme.

Ajo tashmë jeton në SHBA bashkë me bashkëshortin e saj dhe dy vajzat e vogla.

Postimi i Eminës

TAG:
• emina cunmulaj
• nena