POP 5

Lajmet më të lexuara të 5 minutave të fundit

Politikë

'Qartë dhe shqip'/ Rama sjell zërin e regjisorit: Shumica do teatër tjetër! Basha: Ai që nuk distancohet është bërë pis

Rama vijon që të sjellë zërat e artistëve të njohur që janë pro ndërtimit të një teatri të ri kombëtar mbi rrënojat e të vjetrit, projekt të cilin e kundërshton një grup artistësh të mbështetur nga Partia Demokratike.

'Qartë dhe shqip'/ Rama sjell zërin e regjisorit: Shumica do teatër tjetër! Basha: Ai që nuk distancohet është bërë pis

Kryeministri Edi Rama vijon që të sjellë zërat e artistëve të njohur që janë pro ndërtimit të një teatri të ri kombëtar mbi rrënojat e të vjetrit, projekt të cilin e kundërshton një grup artistësh të mbështetur nga Partia Demokratike.

Përmes një postimi në Facebook Rama risjell deklaratën e regjisorit Altin Basha, që pak kohë më parë shprehej se godina aktuale nuk ofron mundësinë për zhvillimin e një krijimtarie cilësore teatrore.

"Regjisori Altin Basha, një ndër emrat më të spikatur të gjeneratës së re të krijuesve të skenës, mbështet njësoj si shumica dërrmuese e komunitetit teatror shqiptar, ndërtimin e Teatrit të Ri Kombëtar dhe shembjen e gërmadhës ekzistuese.

Altin Basha: Qartë dhe shqip, unë mendoj se duhet një godinë e re. Pjesa muzeale mund të zgjidhet brenda godinës së re. Si regjisor, po ju deklaroj me përgjegjësi, se ajo godinë nuk ofron mundësinë për zhvillimin e një krijimtarie cilësore teatrore dhe, për rrjedhim, një cilësi të ulët produkti për spektatorët dhe qytetarët". 

Kryetari i PD-së Lulzim Basha ka reaguar për Teatrin Kombëtar duke deklaruar se ai që nuk distancohet tregon se është bërë pis.  "Hajduti psiqik Rama vazhdon të përdorë e keqpërdorë këdo që i del para për të mbrojtur aferën Rama-Veliaj- Mafia të 6 kullave 200 milionë euro. Pa kullat nuk ka asnjë interes për teatër të ri. Afera Rama-Veliaj-Mafia po bën pis dhe hedh dyshime korrupsioni financiar mbi këdo që përdoret dhe nuk distancohet nga kjo aferë e tmerrshme kriminale dhe hajdutërore.

Sepse gjoja debati për Teatrin Kombëtar është në fakt për 6 kullat e për të futur në xhep 200 mln euro, dhe jo për Teatrin. Sepse për Rama-Veliaj-Mafian e Ndërtimit dhe të Drogës nuk ka Teatër pa kulla. Për këdo të painformuar apo të keqinformuar po postoj më poshtë përshkrimin grafik të planit Rama-Veliaj-Mafia e Ndërtimit dhe Drogës për 6 kullat 200 milionë euro, arsyeja e vetme për prishjen e Teatrit Kombëtar" tha ai.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Begu: 30/07/2019 08:32

    Kaq mjerim opoozitar! vrapon edhe ne teater,mos po del ndonje korrmeli.Jo mjeran!Teatri I ri pritet me brezet e reja,fomat dhe permbajtjet e reja demokratike,Per shqiptaret dhe Shqiperine e ardhme. Jo kokermeli politik.Jane vjeteresira, me teper se vet vjtersia e quajtur Teater Kombetar, ato zera qe qirresh jane te dalur kohesh,kane oren e ndalur.

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54