Qazim Sejdini, se ç’e heq vallen e nuses

E kush nuk e njeh kryebashkiakun e Elbasanit Qazim Sejdini. Si një babaxhan i përkushtuar për komunitetin e tij, është ndër të vetmit kryebashkiakë në Shqipëri që impenjohet shumë në raste gëzimesh dhe hidhërimesh të komunitetit të qytetit të Elbasanit. Dhe ky qytet, me thënë të drejtën, nuk ka pak banorë.
Por e veçanta është pikërisht në këtë foto. Pak javë më parë, kreu i bashkisë së Elbasanit, është duke kërcyer në një dasëm në Elbasan. E ka marrë i pari vallen elbasançe, madje nga pas, e ndjek ndoshta nusja, që është veshur me kostumin tradicional të zonës. Dhe siç mund ta shikoni në këtë foto, Qazim Sejdini ia thotë edhe për valle të tilla. Pastaj, pse të paragjykohet. Kryebashkiaku, është një njeri që të gjithë donin të lidhnin kurorë para tij. Dhe të gjitha këto ceremoni, ai i bën në ambinetet para bashkisë, duke i zbukuruar, dhe duke e kthyer një ceremoni dasme në një festë të madhe për Elbasanllinjtë. Sic duket në këtë foto që kemi, Sejdini është duke bërë provat e radhës, për festën e madhe të 14 marsit, ku sipas gjithë gjasave, flitet se “do ta djegë Elbasanin”.