42 vjeçari Klered Bozhanaj, i cili ishte shpallur në kërkim mbrëmjen e të mërkurës (20 shtator), pasi qëlloi me dy plumba efektivin e policisë, Edlir Alleshi është arrestuar në banesën e tij në Tiranë.
Gjatë kërkimeve intensive të zhvilluara për kapjen e Bozhanajt, strukturat e Policisë kanë lokalizuar dhe ndaluar autorin e dyshuar i cili në momentin e arrestimit shihet me shapka me gisht dhe pantallona të shkurtra. Autori u rikthye në vendin e krimit në rrugën “Hysen Xhura”, në zonën e Kinostudios në Tiranë, 24 orë pas ngjarjes dhe pikërisht aty u arrestua.
Në cilësinë e provës materiale është sekuestruar arma e zjarrit pistoletë, e cila dyshohet se është përdorur gjatë krimit dhe një sasi kanabisi.
Gazetari i Report tv, Sokol Dema ka mësuar se i dyshuari është kapur sapo ka hyrë në banesën e tij teksa efektivët e policisë kanë qenë në ruajtje dhe gati për të vepruar. Fllimisht Bozhanaj ka bërë rezistencë por më pas është neutralizuar dhe është vendosur në pranga.
Paraprakisht burimet e policisë konfirmojnë të dhënat e mësuara edhe më herët pas sulmit ndaj efektivit Edlir Alleshi, se 42 vjeçari është në gjendje të rënduar psikologjike prandaj nuk i është marrë sot dëshmia në lidhje me plagosjen.
Ai mësohet se është kthyer nga Italia në gusht të këtij viti, dhe sipas dëshmive nga të afërmit, ka shfaqur probleme psikologjike. Duket se pikërisht për shkak të kësaj gjendje, 42 vjeçari nuk ka qenë në gjendje të dëshmojë për plagosjen e policit me dy plumba në bark, ndërkohë që pritet të merret në pyetje edhe ditën e premte.
Ministri i Brendshëm Taulant Balla teksa përgëzoi Policinë e Shtetit për arrestimin e autorit të plagosjes së efektivit, në reagimin e atij, ai kujtoi se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë zero.
Balla thekson në reagimin e tij se do të bëjë gjithçka që një politikë/praktikë e re penale të zërë vend në këtë drejtim, duke kërkuar mbështetjen e sistemit të drejtësisë. Sipas ministrit, ashpërsimi i dënimeve për këtë vepër penale do të kërkohet ndërkohë që kuadri ligjor është në fuqi në Kodin Penal dhe në ligjin për Policinë Shtetit. Ministri u shpreh se për arrestimin e Bozhanaj janë angazhuar 600 efektivë policie, ndërsa shtoi se autori u kap befasisht pranë banesë së tij.
Në orët e mesditës së enjte policia njoftoi se kishte zgjeruar kërkimet për 42 vjeçarin Klered Bozhanaj, në katër qytete, Tiranë, Elbasan, Durrës dhe Vlorë ndërsa për kapjen e tij ishin vendosur edhe 20 mijë euro shpërblim. Ngjarja e rëndë ndodhi të mërkurën kur 4 policë të repartit “Shqiponja” po patrullonin në zonën e Kinostudios, kur i dyshuari sapo i pa nisi të vraponte dhe tentoi të ngjitej në shkallët e një pallati pranë. Patrulla ndërkohë po e ndiqte nga pas, kur në vrap e sipër, Klered Bozhanaj, 42 vjeç kthehet më fytyrë nga polici që kishte më afër, Edlir Alleshi, dhe e qëllon me pistoletë dy herë në bark. Efektivi i plagosur iu nënshtrua një operacioni në spital dhe ndodhet jashtë rrezikut për jetën.
Njoftimi i policisë
Policia vë në pranga autorin e plagosjes me armë zjarri të punonjësit të Policisë mbrëmjen e djeshme.
Në vijim të veprimeve kërkimore të kryera nga strukturat e DVP Tiranë, për kapjen e autorit të ngjarjes së ndodhur mbrëmjen e djeshme, shtetasit Klered Bozhanaj, 42 vjeç, i cili ka tentuar të vrasë me armë zjarri punonjësin e Policisë, inspektor E. A., ju informojmë se:
Gjatë kërkimeve intensive të zhvilluara për kapjen e shtetasit Klered Bozhanaj, strukturat e Policisë kanë lokalizuar dhe ndaluar autorin e dyshuar.
Në cilësinë e provës materiale është sekuestruar arma e zjarrit pistoletë, e përdorur gjatë krimit.
Janë publikuar pamjet e arrestimit të 42-vjeçarit Klered Bozhanaj, i cili një ditë më parë plagosi me armë zjarri efektin e policisë Edlir Alleshi.
42-vjeçari, Klered Bozhanaj autori i plagosjes së efektivit Edlir Alleshi ka qenë në gjendje të rënduar psikologjike kur është arrestuar teksa po hynte në banesë në sy të familjes. Policia i ka sekuestruar dhe armën e krimit si dhe i ka gjetur një sasi kanabisi.
Ministri i Brendshëm, Taulant Balla ka përgëzuar policinë e shtetit për arrestimin e autorit të plagosjes së efektivit të Shqiponjave, Edlir Alleshit. Ai theksoi se u angazhuan 600 policë për arrestimin e autorit.
Klered Bozhanaj është arrestuar në banesë. Balla ka paralajmëruar edhe ndyrshime të reja në Kodin Penal duke kërkuar mbështetjen e sistemit të drejtësisë.
“Përgëzoj Policinë e Shtetit për arrestimin e autorit të plagosjes së efektivit të shqiponjave mbrëmjen e djeshme në Tiranë.
Është momenti të kujtoj se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë ZERO.
Do bëj gjithçka që një politikë/praktikë e re penale të zërë vend në këtë drejtim, duke kërkuar mbështetjen e sistemit të drejtësisë. Kuadri ligjor është aty në Kodin Penal (me ndryshimet që kam mbështetur vetë në Kuvend në vitin 2019) dhe në ligjin për Policinë Shtetit.”- tha Balla.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 4 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Perse policet ketu te ne nuk veshin nje antiplumb te lehte si ne cdo vend te botes ,apo nuk i len barku i madh ?
PërgjigjuO Taulant po deshe qe te vesh rend merr Edmond Kosenin se ai eshte ustai i ketyre puneve, sa qe ai ne Elbasan flije me dere hapur.
PërgjigjuShteti duhej t'a ekzekutonte këtë kriminel dhe jo të dalë të thotë se ishte i rënduar psikologjikisht. Po pistoletën ose e mbante akoma me vete?!
PërgjigjuShpëtim Karaj është njeri nga efektivët në video do i paguash të këqijat që i ke bërë një djali të mirë në Vlorë surrat shkërr.....
PërgjigjuÇa i beri i kapi mallin ??
Po shko ore hajdar ai cuni po te ishte i mir nuk kishte pune me policine..
Cfare i ka bere atij djalit?
Bravo çunat e kom pol 4. Si gjithmonë te sakte produktiv. Respekte
PërgjigjuSe kuptoj si mund te shkruhet ne gjendje te renduar psikologjike dhe me kanabis! Mund te jete ne gjendje te renduar mendore: ankth e paranoje si pasoje e tejkalimit te nivelit te përdorimit të tij.
PërgjigjuPo thote qe ka shfaqur probleme te shendetit mendor prej disa kohesh, nuk e lidh ekskluzivisht me perdorimin e hashashit. “Shkarja e ledhit” mund te lidhet edhe me faktore te tjere, jo vec me perdorimin e narkotikeve. Eshte e vetmja mundesi per t’i shpetuar burgut për nje kohe te gjate.