Punimet për ndërtimin e qendrës së re të qytetit në Kamëz po vijojnë me ritme të shpejta. Bëhet fjalë për një projekt, të cilin drejtuesi politik i Partisë Socialiste për Qarkun Tiranë, Taulant Balla, e konsideron një nga investimet kryesore për transformimin urban të zonës.

Së bashku me kryetarin e bashkisë Rakip Suli, të enjten ata inspektuan nga afër ecurinë e punimeve të këtij iinvestimi që pritet të krijojë një hapësirë të re funksionale dhe një pikë referimi për qytetarët.

“Kamza e filloi ndryshimin e madh në verën e vitit 2019, kur Rakip Suli mori drejtimin e Bashkisë. Bashkë me Rakipin pamë nga afër qendrën e re të qytetit. Bashkia Kamëz ka infrastrukturën më të mirë shkollore dhe parashkollore. Ndërkohë edhe kompleksi i ri sportiv po ecën me ritme të shpejta. Plot punë të tjera janë në proces”, u shpreh Balla.

Qendra e re e qytetit synon të ofrojë më shumë hapësira publike dhe kushte më të mira për komunitetin, duke vendosur një standard të ri zhvillimi për zonën.

Projekti është pjesë e investimeve të nisura në vitet e fundit, ndërsa puna vijon për përfundimin e tij brenda afateve të parashikuara.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Mars, 23:04

    Play-off i Botërorit, mendoni se Shqipëria do e kalojë Poloninë?

Lajme të tjera