Receta

Qepë të mbushura nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Shkurt, 11:17 | Përditesimi: 20 Shkurt, 11:19

Qepë të mbushura

Përbërësit:

12 qepë të mëdha
1 gotë vaj
2 domate
2-3 thelpinj hudhër
1 tufë majdanoz
1/2 lëng mishi
Pak tul buke
Pak mbetje mishi të grira hollë
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Pastrojmë qepët dhe i përvëlojmë për 20 minuta në ujë të vluar me kripë. Më pas u heqim pjesët e brendshme me kujdes dhe përgatisim mbushjen. Vendosim në zjarr një tenxhere me gjysmën e sasisë së vajit dhe skuqim pjesët e brendshme të qepëve të prera hollë. Shtojmë domatet pa cipë dhe fara të prera në feta të holla, tulin e bukës të zbutur në ujë dhe të shtrydhur mirë, mbetjet e mishit të prera hollë, hudhrën, kripën dhe piperin. Me këtë masë mbushim qepët, i vendosim në tavë, hedhim vajin e mbetur dhe i vendosim të piqen në furrë në temperaturë të ngadaltë. Kur të fillojnë të skuqen hedhim lëngun e mishit dhe i lëmë të përfundojë pjekja.

MC/Shqiptarja.com

TAG: