Kandidatja e PD për Durrësin Grida Duma deklaron gjatë një takimi më banorë të fshatit të Qerretit se nga keqmenaxhimi i fondeve dhe projekteve, Durrësi ka humbur 15 mijë vende pune. Duma bashkëbisedoi me banorët mbi projektin për të hapur vende të reja pune.

 “Shoh buxhetin e bashkisë dhe e pjestoj për të parë se sa vende pune mund të kishim. Më rezulton se vetëm nga projektet e këqia që nuk janë realizuar, nga projektet që janë shtyrë, sot mund të kishim brenda qytetit të Durrësit 15 mijë vende pune më shumë. Për këtë arsye lufta kundër papunësisë dhe projektet pro punës do jetë të parat dhe kryesoret”, tha Duma.

 Me banorët e zonës së ish-kënetës, Duma tha se nuk do të shkatërrojë administratën por të do ngrejë një staf professional dhe me kontribute. Ajo u shpreh se kjo zonë do  të jetë prioritet në projektet e infrastrukturës.  

“Nuk shkatërrojmë administratën për asnë arsye. Do të bëjmë një staf professional njerëzish. Kjo është e vetmja mënyrë që ne të mbajmë me nder angazhimet tona dhe do  ti mbajmë me nder ato. Gjithë kjo zona ka nevojë për stabilizim të menjëherershëm infrastrukturor. Nga ana tjetër, e vërteta është se jemi parë si të huaj”, tha Duma. 
duma
duma
Redaksia Online
(al.h/shqiptarja.com)