Qetësi e det i pastër, turistët e huaj me kampera në Radhimë

Në mesin e shtatorit Vlora vijon të mbetet atraksion i bukur veçanërisht për turistët e huaj. Në zonën e Radhimës  këtë fundjavë janë të shumtë frekuentuesit nga Serbia, Italia dhe Gjermania të ardhur me kamperat e tyre në brigjet e Jonit.

"Jam nga Gjermania dhe vij për herë të parë në Vlorë. Më pëlqen natyra këtu, qetësia, po shijojmë bregdetin".- tha një qytetar.

"Jam nga Frankfurti dhe për herë të parë ndodhemi këtu. Është vend shumë i bukur. Kaluam nga Vlora dhe u vendosëm këtu. Jemi të kënaqur dhe do të kthehemi sërish".- tha një tjetër.

"Jam nga Gjermania dhe nuk e kam për herë të parë. E dua shumë Shqipërinë".- u shpreh një qytetar.

Një  pushues serb me profesion piktor tregon se peshkon me grep çdo ditë pasi i jep kënaqësi.

"Jam prej 5 ditësh këtu dhe është shumë bukur. Deti është i pastër, një mrekulli. Edhe njerëzit shumë të mirë, nuk i njihja më parë. Tanimë Shqipëria është në zemrën time.'- u shpreh pushuesi serb.

Kështu u shpreh piktori që ka pasion dhe peshkimin, ndërsa nis të shpërndajë peshkun dhuratë tek cdo pushues të kampingut.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Roma apo Feyenoord, kush e fiton finalen e Conference League që luhet në Tiranë?



×

Lajmi i fundit

John

Microsoft do të ndihmojë Ukrainën në dokumentimin e krimeve ruse të luftës