POP 5

Lajmet më të lexuara të 5 minutave të fundit

Arkiva

Qeveria, 10.3 mln euro
për shpronësime

Janë 1.4 miliardë lekë të reja, që janë disbursuar dje nga buxheti i shtetit në favor të ministrisë së Financave, për të mbuluar koston e shpronësimeve për rrugët nacionale. Përfituesit e rradhës duket të jenë pronarët në segmentin Tiranë-Elbasan, por edhe të tjerë.
Qeveria, 10.3 mln euro<br />për shpronësime
TIRANE- Buxheti i shtetit ka disbursuar dje shifrën prej 1.4 miliardë lekësh, për t'ua kaluar pronarëve të objekteve që ndodhen përgjatë segmenteve të rrugëve nacionale. Ky vendim ishte marrë ditët e fundit të vitit të kaluar, por vetëm një ditë më parë është bërë realitet.

VENDIMI
Sipas VKM nr.911, datë 30 dhjetor 2011, ministrisë së Financave, në llogarinë speciale të shpronësimeve, i është shtuar fondi prej 1.4 miliardë lekësh. Ky fond do të përballohej nga fondi i kontingjencës për ruajtjen e deficitit për vitin 2011. Deri dje, ky vendim qeverie nuk është zbatuar, ndonëse kishte hyrë në fuqi menjëherë. Financat pritën të mbyllej viti që të kryenin një veprim të tillë. Kjo derdhje bëhet në të njejtën ditë, kur është bërë edhe kalimi i 2 miliardë lekëve nga arka e shtetit në atë të ministrisë së Ekonomisë, Tregtisë dhe Energjetikës, në ndihmë të Korporatës Elektroenergjetike Shqiptare, për blerje energjie nga importi.
KERKESAT
Vendimet e Këshillit të Ministrave për shpronësime bëhen gjithnjë pas kërkesave të ministrisë së Transporteve, por në disa raste ato kapërcejnë në kohë edhe fillimin e punimeve në një segment të caktuar. Jo më larg se disa ditë më parë, banorët e Bërzhitës organizuan një protestë për faktin se askush nuk po kujtohet t'i paguajë, megjithëse punimet në rrugën e re Tiranë-Elbasan kanë filluar. Po kështu ka ndodhur me rrugë të tjera, si Unazën e Madhe, rrugën Koplik-Han i Hotit, etj. VKM-të e këtyre dy viteve të fundit ende vendosin pagesa për shpronësime në segmentin Dhërmi-Vuno, Porto Romano-Durrës, etj, që kanë mbaruar me kohë. Por, Kushtetuta e vendit detyron qeverinë që të mos kryejë asnjë veprim, pa paguar zhdëmtimin e pronarit për ndërtimin e objekteve me interes publik.
Me sa duket, përfitues nga shuma e fundit do të jenë pronarë të objekteve të patundshme në rrugën Tiranë-Elbasan, por pagesa mune të bëhen nga ky fond edhe për fatura "të prapambetura", që harrohen me vite të tëra në sirtaret e qeverisë.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ E nis dhe e mbyll aksionin, Edon Zhegrova shënon me Lille në Francë

VIDEO/ E nis dhe e mbyll aksionin, Edon Zhegrova shënon me Lille në Francë

24 Nëntor, 16:44