Qeveria italiane merr votëbesimin, Conte: S'po diskutohet dalja nga Euro, hapje me Rusinë, stop emigracionit

ITALI-Qeveria e re e drejtuar nga kryeministri Conte ka marrë votëbesimin në Senat. Mbrëmjen e sotme ai arriti që të kalonte provën me 171 vota pro, 117 kundër dhe 25 abstenim në Senat.

Giuseppe Conte u shpreh se Roma do u qëndrojë besnike parimeve euro-atlantike, ndërsa u dha një përgjigje edhe skeptikëve për të ardhmen e euros dhe kundërshtimin e politikave shtrënguese të imponuara nga Bashkimi Europian.

Në fjalën e tij të parë pas votëbesimit siguroi senatorët se ‘dalja nga euro nuk është aspak në diskutim’, por shtoi se ‘nuk do të heqim dorë nga rishqyrtimi i politikave ekonomike’.

Përsa i përket marrëdhënieve ndërkombëtare ai tha se do të ketë hapje me Rusinë duke paralajmëruar rishikimin e sanksioneve, ndërsa duke u ndalur te emigracioni deklaroi se do të kontrollohet dhe se Italia nuk mund të përballojë e vetme fluksin.

“Ne nuk jemi dhe nuk do të jemi kurrë raciste, por Italia nuk mund të mbetet vetëm përballë këtij problemi” u shpreh Conte. Zgjedhja e Conte si kryeministër erdhi pas marrëveshjes për krijimin e qeverisë të dy forcave politike “Lega” dhe “Lëvizja 5 Yjet”.

LEXO EDHE:
Vetë italianët nuk janë të habitur

TAG:
• Giuseppe Conte

Sondazhi i ditës:

A ka qenë Vettingu i gjyqtarëve e prokurorëve proces i besueshëm?

• Po

  47.3%

• Jo

  43%

• Nuk e di

  9.7%

Vota total: 1663

Votat totale janë unike

• Sondazhi i ditës:

  A ka qenë Vettingu i gjyqtarëve e prokurorëve proces i besueshëm?

  Po Jo Nuk e di