TIRANE - Këshilli i Ministrave ka marrë vendimin sot për heqjen e masës së pezullimit, për shkollën e lartë private “Logos”. Vendimi është marrë ditën e sotme në mbledhjen e qeverisë, ku theksohet se ky vendim do të hyjë në fuqi menjëherë, dhe ku “Logos” do t’i rikthehet veprimtarisë normale të mësimdhënies në përputhje me ligjin në fuqi.

Më poshtë vendimi i plotë i Këshillit të Ministrave:
 
VENDIM PËR HEQJEN E MASËS SË PEZULLIMIT TË VEPRIMTARISË SHKOLLËS PRIVATE TË ARSIMIT TË LARTË “LOGOS” 
 
Në mbështetje të nenit 100 të Kushtetutës dhe të neneve 45, pika 4, e 63,  pika 4, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Sportit, Këshilli i Ministrave
 
VENDOSI:
 
1. Heqjen e masës së pezullimit të veprimtarisë shkollës private të arsimit të lartë “Logos”.
 
2. Shkolla private e arsimit të lartë “Logos” vijon veprimtarinë me të gjitha të drejtat dhe detyrimet që burojnë nga ligji dhe aktet nënligjore në zbatim të tij.
 
3.Ngarkohen Ministria e Arsimit dhe Sportit dhe shkolla private e arsimit të lartë “Logos” për zbatimin e këtij vendimi.
 
     Ky vendim hyn në fuqi menjëherë dhe botohet në “Fletoren zyrtare”.
 
Redaksia Online
(e.c/shqiptarja.com)