Qeveria Hoti : Askush nuk mund ta gjykojë luftën tonë për liri

Qeveria e Kosovës ka reaguar pas konfirmimit të aktakuzave ndaj presidentit Hashim Thaçi, kryetarit të PDK-së, Kadri Veselit, shefit të Grupit Parlamentar të Lëvizjes Vetëvendosje, Rexhep Selimi dhe ish-krye parlamentarit Jakup Krasniqi, raporton Gazeta Express.

Në një deklaratë, Qeveria Hoti thekson se besojnë në Luftën e Kosovës.

“Qeveria e Republikës së Kosovës po i përcjell me vëmendje zhvillimet e fundit rreth Dhomave të Specializuara, të cilat janë pjesë e sistemit të drejtësisë të Republikës së Kosovës. Qeveria e Republikës së Kosovës beson thellë në luftën e drejtë të Ushtrisë Çlirimtare të Kosovës për lirinë e vendit, që mbetet një nga periudhat më të ndritshme të historisë”, thuhet në deklaratë.

“Askush nuk mund të gjykojë luftën tonë për liri”, theksohet në deklaratën e Qeverisë.

“Ushtria Çlirimtare e Kosovës luftoi për çlirimin e vendit tonë, për mbrojtjen e pragut të shtëpisë, e jo në tokë të huaj, dhe si e tillë gëzoi mbështetjen e bashkësisë ndërkombëtare, që kulmoi me fushatën e bombardimeve të NATO-s”.

Qeveria konsideron se askush nuk mund të konsiderohet fajtor në këtë fazë.

“Qeveria e Republikës së Kosovës, konsideron se askush nuk mund të konsiderohet fajtor pa vendim përfundimtar të organeve kompetente të drejtësisë”.

Në fund të deklaratës, Qeveria ka thënë se administrata kosovare dhe qytetarët e Kosovës kanë qenë shembull për bashkëpunim me drejtësinë.

 

Lajmi kryesor:

Thaçit dhe Veselit i konfirmohet aktakuza për krime lufte/ Haradinaj : Shpreh mbështetjen dhe besojmë se do të vërtetohet pafajsia

TAG:
• hashim thaci
• Ramush Haradinaj