POP 5

Lajmet më të lexuara të 5 minutave të fundit

Ekonomi

Qeveria miraton bonusin e fundvitit për pensionistët dhe aktin normativ për kthimin e parave për profesionistët e lirë (VENDIMI)

Qeveria miratoi sot dy vendime të rëndësishme që lidhen me kthimin e parave për profesionistët e lirë, si dhe bonusin e fundvitit për pensionistët. Dy vendimet u pasqyruan për mediat nga ministrat Petrit Malaj dhe Blendi Gonxhja. Vendimi i plotë i Qeverisë

TIRANË - Qeveria miratoi sot dy vendime të rëndësishme, në mbledhjen e radhës të kabinetit në Kryeministri. Qeveria miraton aktin normativ për kthimin e parave për profesionistët e lirë si dhe bonusin e fundvitit për pensionistët

Nga bonusi i fundvitit për pensionet do të përfitojnë 724 mijë pensionistë. Lajmin e bënë të ditur dy ministrat, ai i Financave Petrit Malaj dhe i Ekonomisë, Kulturës dhe Inovacionit, Blendi Gonxhja.

Ministri Malaj theksoi për gazetarët se brenda datës 31 dhjetor 2024 do të përfundojë procesi i rimbursimit për profesionistët e lirë.

'Nga ky akt normativ përfitojnë 6450 profesionistë të lirë, që do rimbursohen me fond prej 501 milionë lekë. Parashikojmë që procesi të përfundojë brenda datës 31 dhjetor 2024, do të ngarkojmë Tatimet për mbarëvajtjen e gjithë procesit”, tha Ministri i Financave Petrit Malaj.'

Ndërsa ministri Gonxhja u shpreh se shpërndarja e bonusit për pensionistët do të nis javën e dytë të dhjetorit. 

'Për të gjithë 724,933 pensionistët, nga të cilët 511,173 pensionistë me pension deri 20,000 lekë do të marrin këtë fundvit bonusin 15,000 Lekë, dhe 213,760 pensionistë me pensione mbi 20,000 lekë përfitojnë bonusin 10,000 Lekë! Theksoj se të gjithë ata 65,763 pensionistë invalidë, 44,561 pensione familjare - gra e burra të ve, fëmijë jetim pavarësisht se sa pension marrin do të kenë bonusin maksimal 15,000 Lekë! Përfshihen në këtë bonus fundviti edhe 2,900 pensionet e parakohshme të ushtarakëve”, tha Gonxhja.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

Prifti dhe artisti At Spiro Katundi feston përvjetorin e 70-të me koncert

Prifti dhe artisti At Spiro Katundi feston përvjetorin e 70-të me koncert

15 Mars, 14:29 nga Armand Braho