TIRANE- Pavarësisht se ligji i ri që parashikon ashpërsimin e dënimeve për evazion u bllokua nga Gjykata Kushtetuese, Qeveria përsëri do të aplikojë masa të ashpra për shkeljet fiskale. Madje, ka gjetur edhe mënyrën për të “shmangur” këtë pengesë, duke përcaktuar ndëshkime të reja në Kodin Penal, të cilat hyjnë në fuqi më 29 janar. Ndërsa Gjykata Kushtetuese vendosi të urdhërojë pezullimin e zbatimit të ligjit nr.99/2015 ‘Për disa ndryshime në ligjin nr.9920, datë 19.05.2008 për procedurat tatimore në Republikën e Shqipërisë, të ndryshuar”, Qeveria ka ndërhyrë në Kodin Penal, duke vendosur ndëshkime të reja për shkeljet fiskale.