POP 5

Lajmet më të lexuara të 5 minutave të fundit

Ekonomi

Qeveria ndryshon qëndrim për recesionin, Angjeli: Rënia 4.4% dhe jo 6.1%! Defiçiti buxhetor do të jetë 6.7%

Recesioni ekonomik i viti 2020 nuk pritet të jetë -6.1% por -4.4%. Ky është parashikimi i rishikuar i qeverisë i bërë publik nga kryetari i ri i Komisionit të Ekonomisë Anastas Angjeli, gjatë miratimit të aktit normativ të katërt të buxhetit të vitit të kaluar. Sipas tij sezoni i verës i dha frymëmarrje ekonomisë.

Tkurrja e ekonomisë në tremujorin e tretë të vitit të kaluar me vetëm -3.4%, që përkonte me sezonin veror, ku ndikim pozitiv dha sektori i ndërtimit dhe pasuritë e paluajtshme ka bërë që qeveria të ndryshojë parashikimet për recesionin ekonomik. Nga 6.1% që u deklarua në 2020 tani thuhet se rënia do jetë -4.4%.

“Të dhënat e tremujorit të katërt ende nuk kanë dalë por deri më tani parashikohet një rënie ekonomike -4.4% një tkurrje të rritjes ekonomik. Në fillim kishim një parashikim më të lartë por që është zvogëluar kjo për shkak të zhvillimeve që ndodhën në tremujorin e tretë, por sidoqoftë do presim tremujorin e fundit për të dalë në një konkluzion final”, u shpreh deputeti i PS-së Anastas Angjeli.

Kryetari i ri i Komisionit të Ekonomisë Anastas Angjeli gjatë shqyrtimit dhe miratimit të aktit të katërt të buxheti të shtetit, foli edhe për shpenzimet, deficitin dhe borxhin.

“Deficiti buxhetor sipas parashikimit mbetet në nivelin e 6.7% ndërsa borxhi publik do të jetë në nivelin e 79.8% ose 79.9%”, tha Angjeli.

Ndërkohë edhe pse të dhënat e plota nuk kanë dalë, në kuadrin makroekonomik dhe fiskal 2022-2024 qeveria ka reduktuar pritshmëritë për të ardhurat. Nga 446,5 miliardë lekë që u parashikua në aktin e korrikut, në kuadrin makroekonomik pritet të mblidhen 424.1 miliardë lekë, ose 22.4 miliardë lekë më pak. Ndërsa deficiti buxhetor është ulur nga -132,9 miliardë që ishte në aktin e tretë normative në 105.9 miliardë lekë në kuadrin makroekonomik e fiskal.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56