Tirane- Mbi një sezon veror që e konsideron të suksesshëm, me 9.7 mln vizitorë të huaj nga janari deri në muajin shtator, qeveria projekton edhe Shqipërinë turistike 2030, por drejt turizmit të qëndrueshëm e jo atij masiv.
Në finish synojmë të shkojmë si lider në rajon" tha Kumbaro.
Përballë operatorëve turistikë dhe kryetarëve të bashkive, ministrja e Turizmit Mirela Kumbaro prezantoi strategjinë e re kombëtare të Turizmit 2024-2030, e cila do të hidhet për konsultim publik javën e ardhshme, e që do të mbështetet në aspektin social, mjedisor dhe ekonomik.
“Strategjia mbështetet në gjashtë shtylla kryesore: Investimet, Politika fiskale dhe rregullatore në turizëm, Menaxhimi i destinacioneve, Zhvillimi i produktit turistik, Marketingu i destinacioneve dhe përgatitja e profesionistëve të kualifikuar' tregoi Kumbaro.
Objektivat në strategjinë e re kombëtare janë të qarta, e shifrat për turizmin në 2030 parashikohet të jenë këto
"Synojmë të arrijmë rritjen me 138% të netëqëndrimeve në 2030, rritjen me 4 herë të të ardhurave në buxhetin e shtetit nga formalizimi i sektorit, rritjet me 65% të të rinjve që do të vazhdojnë studimet e larta në një prej programeve dedikuar turizmit në të gjithë sistemin e mesëm e të lartë, rritjen me 26% t qëndrimit mesatar të turistëve në Shqipëri" tha Kumbaro.
Kumbaro foli edhe për një skemë të re të menaxhimit të hapësirave publike në plazhe që qeveria pritet ta miratojë javën e ardhshme, e që vijës bregdetare do t’i japë një fytyrë të re, pa mbipopullim çadrash e shezlongësh.
"Në çdo 1 km plazh do të ketë minimumi 300 metra plazh publik”.
Reforma në turizëm parashikon që të drejtën për shezlongje private ta kenë vetëm hotelet, edhe ata në varësi të numrit të dhomave dhe me distancë nga njëri tjetri, e jo me beach baret dhe restorantet. Çadrat në të gjithë vijën bregdetare do të menaxhohen nga bashkitë të cilat do të kenë një çmim tavan dhe të arsyeshëm mbi të cilat nuk mund të kalojnë.
Për të pasur mirëadministrim në gjithë territorin vendi do ndahet në 6 rajone turistike, bregdeti i Adriatikut, rajoni turistik verior, i Tiranës, ai qëndro, i bregdetit të Jonit si dhe rajoni jugor.
1- Rajoni turistik i bregdetit të Adriatikut
2- Rajoni turistik verior i brendshëm
3- Rajoni turistik i Tiranës
4- Rajoni Turistik Qendror
5- Rajoni turistik i bregdetit të Jonit
6- Rajoni turistik jugor i brendshëm
1 -Investimet,
2- Politika fiskale dhe rregullatore në Turizëm
3- Menaxhimi i destinacionevëe
4- Zhvillimi i produktit turistik
5- Marketingu
6 – Përgatitja e profesionistëve të kualifikuar
Kjo e mbështetur në 3 parime bazë
Mbrojtja sociale
Mbrojtja mjedisore
E zhvillimi Ekonomik
Ministrja e Turizmit dhe Mjedisit, Mirela Kumbaro tha sot se “9,7 milionë vizitorë të huaj kemi pritur nga janari në shtator, në mbyllje të sezonit, duke arritur pothuaj gjithë bilancin e vitit që shkoi, që ishte edhe viti rekord në turizëm”.
Nga ana e saj ministrja Balluku ndau me kryebashkiakët dhe shifrat e fluksit jo vetëm në Rinas por dhe në aksin Thumanë Kashar e hapur në fund të qershorit, dhe tunelit të Llogarasë i hapur në korrik.
"Nga 28 qershori deri në 30 shtator në aksin Thumanë-Kashar kanë kaluar 2 milionë e 700 mijë automjete, shifër rekord edhe për autostradat e rajonit. Ndërsa tek tuneli i Llogarasë nga 5 korriku-30 shtator 715 mijë e 198 automjete
Zëvendëskryeministrja Belinda Balluku, njëherësh ministre e Infrastrukturës dhe Energjisë informoi sot se në 9-mujorin e parë të vitit 2024 në aeroportin ndërkombëtar “Nënë Tereza” u përpunuan 8 250 000 pasagjerë, ose 53.7% më shumë se një vit më parë ndërsa deri në fund të vitit parashikohen 10.4 mln pasagjerë.
Por mendojmë që do tejkalohet. Parashikojmë që viti të mbyllet me 69 mijë fluturime, të cilat janë të shpërndara gjatë vitit në mënyrë të barabartë, jo si në vitin 2022 që sezoni niste në fund të qershorit. Në një ditë të vetme në aeroportin e Rinasit u regjistruan 45 100 pasagjerë”, shtoi ajo
Balluku theksoi se ka pasur rritje të numrit të destinacioneve të reja nga 109 destinacione të reja në drejtim të Europës në vitin 2023, këtë vit ka pasur 136 destinacione të reja, ndërsa në 2025 pritet të bëhet dhe dorëzimi i aeroportit të Vlorës.
“Viti 2025 do të ketë një sërë risish në infrastrukturë, por më e rëndësishmja është dorëzimi i Aeroportit të Vlorës, duke i dhënë Shqipërisë një nga aeroportët më të mëdhenj në rajon me pistë të kategorisë E, 3.2 km të gjatë. Presim të kemi edhe udhëtime transoqeanike që nuk do të limitojnë numrin e turistëve që vijnë”, tha ajo.
Shifrat u prezantuan në takimin vjetor për analizën e sezonit turistik veror 2024 që u zhvillua sot në Pallatin e Kongreseve në Tiranë
Qeveria javën tjetër do të miratojë rregulloren për menaxhimin e plazheve. Lajmi u bë i ditur nga ministrja e Turizmit Mirela Kumbaro gjatë takimit me kryebashkiakët sot në Pallatin e Kongreseve.
"Kemi nisur projektin e sistemimit dhe rikualifikimit të dimensionimit estetik të hapësirave publike. Do të bëhet në të gjithë bregdetin. Hapësirat do të jenë të lira, pa pushtim çadrash e shezlonë e pa baraka që bëjnë biznes shezlonës. Javën tjetër miratojmë në qeveri rregulloren e re të mirëadministrimit të plazheve" tha Kumbaro.
Çfarë parashikon rregullorja e re?
Hotelet do të jenë të vetmet që kanë mundësi për të aplikuar për të menaxhuar stacione plazhi në proporcion të drejtë me numrat e dhomave. Është shtuar dhe kriteri i ri: Në çdo 1 km plazh do të ketë minimumi 300 metra plazh publik.
"Kemi nisur projektin e sistemimit dhe rikualifikimit të dimensionimit estetik të hapësirave publike. Do të bëhet në të gjithë bregdetin do të behet kjo. Hapësirat do të jenë të lira, pa pushtim çadrash e shezlonë dhe pa baraka që bëjnë biznes shezlonës. Javën tjetër miratojmë në qeveri rregulloren e re të mirëadministrimit të plazheve, oferta gjithë përfshirëse turistike e vendit ka ndryshuar ka ndryshuar edhe filozofinë dhe udhëtimeve të turistëve dhe të pushuesve vendas apo të huaj që nuk vijnë vetëm për të pushuar në bregdet, por edhe gjatë muajve të verës duan që ti marrin maksimumin këtij vendi. Pas shumë diskutimeve dhe debate edhe brenda qeverisë dhe me kolegë, modeli i ri i menaxhimit të plazheve do të bazohet në parimin kryesor se shezlongët në vetvete nuk mund të jenë parimi parësor i biznesit, por duhen trajtuar si një aksesor shtesë i hoteleve apo i strukturave akomoduese. Në çdo një kilometër plazh do të kemi 300 metra plazh publik, kjo është një sfidë shumë e madhe për ne për bashkitë" tha Kumbaro.
Strategjia Kombëtare e Turizmit 2024-2030 iu prezantua sot kryetarëve të bashkive.
Strategjia e cila projekton krijimin, përmirësimin dhe konsolidimin e produkteve turistike e ndan vendin në 6 rajone turistike: Rajoni turistik i bregdetit të Adriatikut, rajoni turistik verior i brendshëm, rajoni turistik i Tiranës, rajoni turistik i bregdetit të Jonit si dhe rajoni turistik jugor i brendshëm. Ajo mbështetet në 6 shtylla.
Sfidë tjetër do jetë dhe pastrimi i përditshëm i plazheve, për të cilën kërkohet dhe angazhimi i pastrimit të plazheve.
Për qeverinë, për të gjitha agjensitë dhe për bashkitë e bregdetit do të jetë një sfidë e madhe për tu angazhuar me të gjitha forcat në administrimin e plazheve të lira dhe në pastrimin e bregdetit, ku edhe këtë vit agjencia kombëtare e bregdetit vijoj të njëjtin operacion, plazhe të pastra, për çka ne angazhohemi që ta bëjmë edhe vitin 2025 në Shkodër, në Durrës, Kavajë, Rrogozhinë, Vlorë, Himarë dhe në Sarandë, në pastrimin e përditshëm të 93 kilometrave linear plazhe.
Pastrimi është një betejë që ne e firojmë çdo vit dhe se fitojmë për të thënë që Shqipëria këtë vit ishte më e pastër se vitin e kaluar, ne me këtë duam të ndërtojmë Shqipërinë model të pastërtisë dhe duhet që të mobilizohemi të gjithë siç jemi edhe këtu sot përfaqësues nga të gjithë sektorët.
Komente
Lajme të tjera
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30 -
Vera ka mbaruar, por turistët e huaj s’i ndahen Shqipërisë! Britanikët lundrojnë në Vjosë me kanoe, Rama poston pamjet pikante (VIDEO)
29 Tetor, 08:39 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Stacione plazhi vetëm për hotelet, Topuzi: Pozitive, të luftohet informaliteti! Pa paketa ‘all-inclusive’, s’ka turistë cilësor
25 Tetor, 16:38 -
Kumbaro takim me ministrin e turizmit të Bullgarisë: Marrëveshje e përbashkët për të çuar përpara ekonomitë e dy vendeve
24 Tetor, 11:54 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
Ma e poshter se kjo kumbaro nuk bahet
Përgjigju