POP 5

Lajmet më të lexuara të 5 minutave të fundit

Ekonomi

Qeveria shton fondet edhe për
rrugën e dytë të Fahri Balliut

Pas rritjes së fondeve për segmentin Levan-Vlorë me 18 milionë euro, edhe një segment tjetër rrugor, ku gjysmën po e ndërton e njejta firmë fituese, “Alpine”, pas së cilës fshihet sërish botuesi Fahri Balliu, i afërt me qeveritarët, ka përfituar shtesë fondesh. Bëhet fjalë për segmentin Fier-Tepelenë.
Qeveria shton fondet edhe për <br />rrugën e dytë të Fahri Balliut
Pas rritjes së fondeve për segmentin Levan-Vlorë me 18 milionë euro, edhe një segment tjetër rrugor, ku gjysmën po e ndërton e njejta firmë fituese, “Alpine”, pas së cilës fshihet sërish botuesi Fahri Balliu, i afërt me qeveritarët, ka përfituar shtesë fondesh. Me një vendim të sotëm, Këshilli i Ministrave ka ratifikuar marrëveshjen ndryshuese nr.2 në kontratën financiare, ndërmjet Republikës së Shqipërisë dhe Bankës Europiane të Investimeve (BEI), për financimin e projektit të rrugës Fier - Tepelenë. Ky ndryshim duhet të kalojë në parlament dhe në VKM përcaktohet se do të hyjë në fuqi 15 ditë pas publikimit në Fletoren Zyrtare. Në VKM nuk përcaktohet shifra e rritjes së financimit, ndërkohë që pritet që ajo të bëhet publike në momentin që projektligji do të kalojë në komisionet kuvendore.

Ashtu si edhe segmenti Levan-Vlorë, edhe Levan-Tepelenë ka qenë i gatshëm si projekt në momentin kur qeveria Berisha erdhi në pushtet, në vitin 2005. Për më tepër, ajo gjeti gati edhe gjithë fondin e financimit, prej më se 70 milionë eurosh, më tepër se rruga e re e Vlorës, duke qenë se paraqiste më shumë vështirësi dhe ura e vepra të tjera arti me shumicë. Ky segment u bllokua fillimisht nga kryeministri Berisha, i cili theksoi se qeveria e tij do të kërkonte fillimin e një tjetër segmenti rrugor madhor, që do të lidhte Memaliajn me Kuçovën dhe Elbasanin, të ashtuquajturin “bosht qendror”. Më pas, ai ndryshoi mendje dhe, sërish, një nga dy segmentet e rrugës nga Fieri në Tepelenë iu akordua firmës “Alpine”, ku administratore ishte kunata e Fahri Balliut, botues i gazetës “55”.

Kohët e fundit opozita ka theksuar se, pas rritjes së fondeve për rrugë që ka 7 vjet pa u përfunduar fshihen vjedhje të fondeve puvlike. Rritja e kostos së rrugës Levan-Vlorë ka shkaktuar debate të ashpra në Komisionin parlamentar të Ekonomisë, kur zv/ministri i Transporteve, Ernest Noka, shpjegoi se projekti ka nevojë për ndryshime dhe për këtë janë kërkuar nga BERZH 7.5 milionë euro dhe 3 milionë të tjerë nga Banka Europiane e Investimeve (BEI), plus disa milionë euro nga buxheti i shtetit.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kremlini: Putini gati për bisedime për paqe me Ukrainën

Kremlini: Putini gati për bisedime për paqe me Ukrainën

25 Nëntor, 12:12