POP 5

Lajmet më të lexuara të 5 minutave të fundit

Kronikë

Qeveria tërhiqet nga projekti i burgjeve private, Ministria e Drejtësisë: U hoq me ligjin e ri të 2020, nuk pati interes për to

Askush nuk shfaqi interes në Shqipëri për të ndërtuar burgje private dhe pas 6 vite, qeveria shqiptare është tërhequr nga ky projekt. ReportTv mëson se ministria e drejtësisë ka hequr nga ligji konceptin e burgut privat, i cili do të akomodonte personat me dënim maksimale deri në 5 vite duke ulur dhe mbipopullimin në burgjet shtetërore.

Qeveria shqiptare tërhiqet nga projekti i burgjeve private. Për ReportTv ministria e drejtësisë deklaron se ka hequr nga ligji konceptin e burgut privat pasi nuk gjeti zbatim. Parashikimi për burgjet private është bërë për herë të parë në vitin 2014, në nenin 12/1të ligjit “për Institucionet e Ekzekutimit të Vendimeve Penale”, ku shkruhej se burgjet  janë publike dhe private  dhe funksionimi i tyre do të përcaktohen me Vendim qeverie.

Ky draft parashikonte për të lehtësuar popullin në burgje se të dënuarit për vepra të ndryshme penale me një marzh dënimi me maksimumi pesë vite mund të akomodoheshin në burgjet private.

Ndërsa të gjithë ata që me vendim gjykate do tu caktohej një burg i sigurisë së lartë s’do mund të akomodoheshin dot në burgjet private.

Në vlerësimin e ministrisë së drejtësisë dispozitat që lejonin burgjet private janë hequr dhe në ligjin e ri hyrë në fuqi në gusht 2020.

“Në ligjin e ri që u miratua në Kuvend dhe hyri në fuqi në Gusht 2020, këto dispozita u panë të arsyeshme të hiqen për shkak se që nga viti 2014 kur janë miratuar nuk ka pasur ndonjë interes për ndërtimin e burgjeve private. Duke parë edhe eksperiencën e vendeve të tjera ku ky sistem zbatohet (Britania dhe SHBA), kjo praktikë është drejt mbylljes së tyre’’ sqaroi për ReportTv ministria e drejtësisë.

 Aktualisht Shqipëria ka 23 institucione penale, burgje dhe paraburgime mes tyre burgje të sigurisë së veçantë IEVP Peqin, Korçë, Elbasan, Fier.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

SHBA e BE dënojnë në bllok dhunën e Rithemelimit në protestën para bashkisë së Tiranës: Akte të tilla nuk kanë vend në shoqëri demokratike

SHBA e BE dënojnë në bllok dhunën e Rithemelimit në protestën para bashkisë së Tiranës: Akte të tilla nuk kanë vend në shoqëri demokratike

19 Prill, 13:47