TIRANE- Teksa kanë kaluar më tepër se dhjetë ditë nga pyetja në prokurorinë e Tiranës për skandalin e vjedhjes së 713 milion lekëve, anëtarëve të Këshillit Mbikqyrës, do t’i duhet sërisht të ngjisin shkallët e prokurorisë, për t’u pyetur në një çështje tjetër të filluar rishtaz nga njësia Task-Forcë.

Bëhet fjalë për, hetimet e nisura lidhur me abuzimet financiare të bëra nga Banka e Shqipërisë, lidhur me lidhjen e disa kontratave qeraje dhe blerjen 30 milion euro të ish-hotel Dajtit, dhe rikonstruksionin e fasadës së këtij objekti, përfshirë këtu dhe rikonstruksionin e godinës qëndrore të Bankës së Shqipërisë.