Qofte orizi në salcë me vezë dhe limon

Përbërësit:

  • 500 gr mish i grirë
  • 80 gr oriz i rrumbullakët
  • 1 qepë e vogël
  • 1 vezë
  • 2 lgj vaj ulliri
  • 2 lgj kopër e freskët
  • Kripë, piper i zi

Për lëngun:

  • 1.5–2 litra ujë ose lëng mishi
  • 1 lugë gjelle vaj ulliri
  • 2 vezë
  • Lëngu i 2 limonëve
  • Kripë, piper

Përgatitja:

Në një enë përzieni mishin e grirë, orizin e larë, qepën, vezën, vajin e ullirit, koprën, kripën dhe piperin. Punojeni masën mirë derisa të bëhet homogjene. Lagni duart dhe formoni qofte të rrumbullakëta, sa madhësia e një arre. Në një tenxhere të gjerë vini ujin ose lëngun e mishit të vlojë. Shtoni pak kripë dhe vaj ulliri. Hidhni me kujdes qoftet dhe ziejini në zjarr mesatar për rreth 35–40 minuta, pa i trazuar fort. Rrihni vezët në një tas derisa të zbardhen. Shtoni gradualisht lëngun e limonit. Merrni pak nga lëngu i nxehtë i tenxheres dhe shtojeni ngadalë te vezët duke e përzier vazhdimisht (për të mos u mpiksur). Hiqeni tenxheren nga zjarri. Hidhni salcën ngadalë, duke tundur lehtë tenxheren (jo duke e përzier me lugë). Kthejeni në zjarr shumë të ulët për 1–2 minuta.