Receta

Qofte të shijshme me mëlçi në petë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Dhjetor 2023, 12:51 | Përditesimi: 19 Dhjetor 2023, 12:54

Qofte të shijshme me mëlçi në petë, tradita tironse

Përbërësit:

300 gr mëlçi
30 gr gjalpë
1 kokërr qepë
1 lgj oriz
300 gr miell gruri
1 kokërr vezë
250 ml lëng mishi
Pak niseshte
Nenexhik, majdanoz
Kripë, piper

Përgatitja:

LEXO EDHE:
Pulë me oriz në furrë nga zonja Albana

Në një enë vendosim miell, vezë, kripë dhe ujë të vakët. E lëmë brumin të pushojë për 30 minuta dhë më pas hapim një petë të madhe të cilën e ndajmë në kuadrate të vegjël. Mëlçitë i presim në copa të vogla, i vendosim në një tas ku shtojmë qepën e grirë imët, orizin, një të bardhë veze, kripë, piper dhe nenexhik. E trazojmë mirë dhe vendosim nga një lugë në çdo kuadrat pete. I mbështjellim si bohçe të vogla dhe i vendosim të skuqen në vaj të nxehtë. Pasi qoftet e mbështjella në petë i kemi skuqur i largojmë nga tigani dhe në po atë yndyrë shtojmë lëngun e mishit. E lemë të marrë valë dhe më pas vendosim qoftet e mbështjella. I lëmë për disa minuta në mënyrë që të përthithin mirë lëngun e mishit.

MC/Shqiptarja.com

TAG: