Receta

Qull me arra dhe mish pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Shtator 2023, 12:14 | Përditesimi: 29 Shtator 2023, 12:16

Qull me arra dhe mish pule

Përbërësit:

1 pulë ose pulë në racione
2-3 thelpinj hudhër
1 gotë e gjysmë kos
1 vezë
1 e ½ lgj miell
1 lgj gjalpë
1 bulion me erëza
Arra të thërrmuara
Piper i zi, piper i kuq
Kripë, rigon
Lëng limoni

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Presim mishin e pulës në racione dhe e kaurdisim me pak kripë dhe yndyrë. Më pas shtojmë ujë dhe e lëmë të ziejë. Në një tigan kaurdisim miellin me gjalpë, derisa të shpërthejë aroma e pjekjes. Shtojmë buljon nga pak që mos të kokrrizohet. Shtypim hudhrat në masën e qullit, rregullojmë shijen duke shtuar dhe kosin me lëngun e limonit. E kalojmë në tavë me copat e mishit përsipër sikurse e spërkasim me arrat. E vendosim në furrë në temperaturën 200 gradë Celsius për 20 minuta.

MC/Shqiptarja.com

TAG: