POP 5

Lajmet më të lexuara të 5 minutave të fundit

Politikë

"Dekriminalizimi" Llalla i “rrëfehet”
Metës, dorëzon i pari formularin

Një ditë pas urdhrit të Ilir Metës për të krijuar strukturën e posaçme në Kuvend që do të administrojë formularët e dekriminalizimit nga zyrtarët, Prokurori i Përgjithshëm, Adriatik Llalla ka dhënë shembullin e tij. Ai ka qenë i pari në listën e 109 zyrtarëve të thirrur nga Kuvendi për të deklaruar të shkuarën penale që ka plotësuar formularin e dekriminalizimit. 
"Dekriminalizimi" Llalla i “rrëfehet”<br />Metës, dorëzon i pari formularin
Një ditë pas urdhrit të Ilir Metës për të krijuar strukturën e posaçme në Kuvend që do të administrojë formularët e dekriminalizimit nga zyrtarët, Prokurori i Përgjithshëm, Adriatik Llalla ka dhënë shembullin e tij. Ai ka qenë i pari në listën e 109 zyrtarëve të thirrur nga Kuvendi për të deklaruar të shkuarën penale që ka plotësuar formularin e dekriminalizimit.

Në këtë mënyrë, Prokurori i Përgjithshëm ka dhënë shembullin e tij për dekriminalizimin, edhe pse, nga burime pranë këtij institucioni, mësohet se në plotësimin e formularit, kryeprokurori ka bërë një gabim teknik. Ky gabim ka të bëjë me mungesën e një vize në një hapësirë boshe, e cila duhet hequr me vizë nga plotësuesi, në mënyrë që më pas, të mos jepet mundësia manipuluesve që të plotësojnë hapësirën boshe me shënime të tjera spekulative.

Sipas procedurës, do të duhet që Llalla ta rregullojë këtë mangësi në formularin e rrëfimit të tij, dhe ky proces për të, të quhet i përfunduar. Pak ditë më parë, Kuvendi njoftoi se Meta kishte hartuar 3 urdhra për zbatimin e ligjit të dekriminalizimit. Përmes 3 urdhrave, Kuvendi ka ngritur strukturën e posaçme që do të jetë përgjegjëse për këtë proces. Do të jetë drejtoria e Monitorimit të Institucioneve të Pavarura, ajo që do të menaxhojë këtë proces për llogari të Kuvendit.

Pas kësaj, Meta ka thirrur plot 109 zyrtarë, staf politik i Kuvendit dhe drejtues të institucioneve të pavarura, të plotësojnë formularin e dekriminalizimit. Zyra e shtypit e Kuvendit, bën me dije Kryetari i Kuvendit te Shqipërisë në vijim të detyrimeve që burojnë nga ligji 138/2015 “Për garantimin e integritetit të personave që zgjidhen, emërohen ose ushtrojnë funksione publike”, ka nxjerrë urdhrin për caktimin strukturës së posaçme, pranë të cilës do të dorëzohen dhe administrohen formularët e vetëdeklarimit, për subjektet të cilët në zbatim të akteve të sipërcituara e paraqesin atë pranë tij.
 
Verifikimi
“Gjithashtu, ju njoftojmë se që nga momenti i hyrjes së fuqi i ligjit të sipërcituar (Ligji për dekriminalizimin) nëse do të krijohet vakancë nuk do të bëni asnjë veprim pa njoftuar për vakancën KQZ-në”.

Redaksia online
(Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34