Me “Gurin për Paqe” në Muzeun Kombëtar, Prishtina u bashkohet qyteteve që kanë nderuar viktimat e luftës, me hapësirën kushtuar atyre, me urime për një botë më paqësore. Ky gjest simbolik është përcjellur nga njerëzit e Hiroshimës, nga Japonia, në të gjithë globin.
Në ceremoni të pranishmëve do t’iu drejtohen presidentja e Republikës së Kosovës, kryetari i Asociacionit “Guri për Paqe” i Hiroshimës, si dhe kryetari Prishtinës.
Java e Tolerancës në Kosovë, përfshinë një varg ngjarjesh ku do të mblidhen komunitete dhe liderë globalë të cilët i përkushtohen dialogut pozitiv dhe të hapur. Mbi 300 mysafirë nga gati 50 shtete nga pesë kontinente do të vijnë në Kosovë.
Në 23 maj do të bëhet inaugurimi i Monumentit të Holokaustit nga kryeministri i Kosovës, në vendin ku ndodhej sinagoga hebreje e fundit e Prishtinës. Nga 24-26 maj, do të zhvillohet takimi i dhjetë jubilar i Grupit të Mëngjesit të Lutjeve në Evropës Juglindore (Lutja Kombëtare e Mëngjesit) në Prishtinë si dhe konferenca ndërfetare në Pejë.
Redaksia online
(atsh/sg/shqiptarja.com)
![](https://www.shqiptarja.com/template/img/sh_logo1.png)