Prishtina i bashkohet turneut “Kupa e Pavarësisë” e cila do të zhvillohet në qytetin e Vlorës më datë 27 nëntor.

Përvec ekipit të Prishtinës në garë për të fituar trofeun do të jenë edhe Tirana, Flamurtari dhe Shkëndija e Tetovës.

E ndërsa Tirana arriti që të fitonte pardje në Shkodër përballë ekipit të Otrantos së Ulqinit duke kaluar në fazën e finaleve, Shkëndija e Tetovës kaloi automatikisht, pasi Renova nuk mori pjesë.

Të tre ekipet e kualifikuara do të kenë përballë edhe Flamurtarin. Ky është edicioni i tretë i këtij turneu të zhvilluar për nder të pavarësisë së vendit.

Për t'u rikthyer te ndeshja e fundit kualifikuese, Prishtina kaloi në gjysmëfinale të turneut “Kupa e Pavarësisë”, pas ekzekutimit të penalltive, duke eliminuar Trepçën 89’ me rezultat 6:5, ndërsa koha e rregullt përfundoi pa gola.

(d.b/shqiptarja.com)