"Shqiponjat" arrestojnë të 
kërkuarin për grabitje me armë

TIRANE - Efektivat e Repartit Special “Shqiponjat” kanë arrestuar një matjan 26-vjeçar të kërkuar për grabitje me armë dhe me dhunë. Eduart Karaj, është arrestuar nga autopatrullat në afërsi të Zogut të Zi, ndërsa gjatë arrestimit mësohet se nuk ka kryer rezistencë.

26-vjeçari është siguruar në ambjentet e izolimit në bazë të urdhërit të kërkimit të ndjerrë nga Drejtoria e Policisë së Tiranës. Karaj, sipas policisë konsiderohej si person me rrezikshmëri të lartë shoqërore. Në fillim të janarit të vitit të kaluar Karaj, ishte arrestuar me akuzën e rrëmbimit dhe marrjes peng të një vajze 20-vjeçare, vepër penale kjo e kryer në bashkëpunim.

Ende nuk është e qartë sesi ka mundur të dalë nga burgu edhe për akuzën e rëndë të heqjes së paligjshme të lirisë, dhe gjatë kësaj periudhë të realizojë një tjetër ngjarje të rëndë, siç është grabitja për të cilën kërkohej.

Redaksia Online
(e.c/shqiptarja.com)