POP 5

Lajmet më të lexuara të 5 minutave të fundit

Kosova & Rajoni

Qytetarët në Mal të Zi protestë kundër Ballkanit të Hapur: Nuk do të ketë botë serbe

Qytetaret në Malin e Zi janë ngritur në protestë duke kërkuar mbajtjen e zgjedhjeve të reja. Përpos kërkesës, malazezët shprehën dhe revoltën e tyre ndaj ‘Ballkanit të Hapur’ duke kundërshtuar përfshirjen e Malit të Zi në nismën e ndërmarrë nga tre vendet e Ballkanit Perëndimo

Qytetarët në Mal të Zi protestë kundër Ballkanit të Hapur: Nuk do të ketë botë serbe

Protesta në Mal të Zi

Qytetaret në Malin e Zi janë ngritur në protestë duke kërkuar mbajtjen e zgjedhjeve të reja. Përpos kërkesës, malazezët shprehën dhe revoltën e tyre ndaj ‘Ballkanit të Hapur’ duke kundërshtuar përfshirjen e Malit të Zi në nismën e ndërmarrë nga tre vendet e Ballkanit Perëndimor: Shqipëria, Serbia dhe Maqedonia e Veriut, raportojnë disa media në Podgoricë.

Me thirrjen “Nuk do të ketë Ballkan të Hapur, nuk do të ketë botë serbe”, qytetarët e revoltuar e kanë nisur kështu protestën e tyre në Mal të Zi.

Deputetja e Partisë Socialdemokrate (SDP) Draginja Vuksanoviq Stankoviq u shpreh nga protesta se nuk do të lejojnë shërbëtorët e presidentit Aleksandër Vuçiq të pushtojnë Malin e Zi.

“Nuk do të ketë Ballkan të Hapur, nuk do të ketë botë serbe. Dritan Abazoviq, ju që jeni ndihmësi i Vuçiqit, mund të trumbetoni vetëm Ballkanin e Hapur në Beograd, Vuçiq, Vulin, Rakoviq dhe Beçkoviq. Mali i Zi nuk do të komandohet nga Terazij dhe Dedinje por larg duart nga Mali i Zi”, ka thënë Stankoviq.

Aktivisti Vido Drashkoviq tha se “në një mijë vjet të ekzistencës së tij, Mali i Zi nuk ka pasur paqe, ashtu siç nuk ka sot”.

Ai u shpreh se “Ballkani i Hapur” nuk është asgjë më shumë se sa një botë serbe për të bllokuar Malin e Zi në rrugën drejt integrimit. Teksa iu refrua Dritan Abazoviqit, aktivisti e cilësoi si ‘fshesë’ dhe ‘lopatë’ të atyre që kërkojnë destabilizimin e Malit të Zi.

“Qeveria klaro-nacionaliste pretendon se na ka liruar. Është e vërtetë, na ka çliruar nga të gjitha të mirat. Qëllimi i tyre është ta portretizojnë Malin e Zi si të paqëndrueshëm. Ata që janë fshesa dhe lopata e dikujt tjetër do ta shtyjnë Malin e Zi në Ballkanin e Hapur që nuk është gjë tjetër veçse bota serbe, për të ndalur Malin e Zi në rrugën e tij drejt BE-së për të mirën e shefit të tij nga vargmali i Andriqit. Në këtë, një njeri i vogël dhe një manipulator i madh po prijnë. Me nënshkrimin e kontratës me KOS, ai e dinte se do të destabilizonte Malin e Zi, që ishte qëllimi i tij. Para nesh janë dy rrugë – Ballkani i Hapur dhe BE. Qytetarët po vijnë në vete. Nëse nuk mendojmë, do të hasim telashe përpara e dyerve tona”, tha Drashkoviq.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 29/11/2022 19:43

    Ju lumt që e keni kuptuar dredhin e serborusis me langojt vllazer Edvin shkjau shqipfolës dhe Vucici..!

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça