Qindra shqiptarë të cilët punojnë dhe jetojnë në shtetin Grek, që prej orëve të para të mëngjesit, kanë mbetur të bllokuar në pikën e kalimit kufitar të Kapshticës. Plotësimi i kuotës ditore prej 300 personash ka pala greke të ulë traun dhe të pezullojë punën.

Shqetësimi kryesor i shqiptarëve të cilët sot nuk mundën të kalojnë në anën tjetër të kufirit, mbetet përfundimi i afatit të testit Covid dhe aplikimit online. Në tokën Shqiptare qëndrojnë të parkuar 4 autobusë, dy prej të cilëve sipas burimeve të Report Tv, janë pa udhëtarë, por qëndrojnë të parkuar për të zënë radhën.

Ndërkohë që vijon në pritje dhe një numër i ulët mjetesh private. Në tokën neutrale, burime bëjnë me dije se janë bllokuar tre autobusë. Kalimi i qindra shqiptarëve në anën tjetër të kufirit pritet të ndodhë ditën e nesërme, në orën 6 të mëngjesit, sipas të gjitha rregullave dhe procedurave përkatëse.