Dita e parë e regjistrimeve në konviktet e Fakultetit të Mjekësisë dhe atë të Inxhinierisë është shoqëruar me këtë fluks, pasi gjithçka bëhet fizikisht.
Mes radhëve të gjata gjejmë prindër e studentë që bëjnë çmos për të siguruar një vend akomodimi gjatë studimeve universitare. Disa prej tyre hedhin dyshime se regjistrimet bëhen në mënyrë preferenciale.
“Se nuk respektohet radha. E mbyllën për 2 orë. Jam 242. Janë futur me 300 që në fillim edhe pastaj e pezulluan se deshin me u rikthyer. Fusin njerëzit e vetë. Nuk e di ndoshta dhe ka.”
“Deri tani janë marr pa numra . Tani po i marrin me numra. Numrat janë shpërndarë. Unë kam 395. Kanë hyrë 200 veta aty ai thërret numrin 50 aty .”
“Kam ardhur që në 6 të mëngjesit dhe tani që iu panë ju, po shpërndajnë numrat.”
“Nuk japin numra , nuk punojnë”
“Nuk ka rregull, nuk ka asgjë. Na kanë dhënë numrat, por nuk zbatohen numrat .”
Kjo studente tregon se ka ardhur në Tiranë që në orën 5 të mëngjesit. Pak pas mesdite, ajo ishte ende në pritje për t’u regjistruar në konvikt.
”Kemi ardhur që nga ana anës. Ka njerëz nga Saranda , nga Gjirokastra , nga kudo. Më besoni 20-ta ka hyrë, 100 herë brenda. Se çfarë po bëhet me këtë lloj shteti se di. Ka njerëz që kanë ardhur që në 4 të mëngjesit. Mua më bie radha pas 2-3 ditësh. Njerëzit po çirren po u bie të fikët.”
Report Tv i kërkoi informacion drejtoreshës së Konviktit të Mjekësisë e Inxhinierisë së ndërtimit Zhanina Dapi e cila na bëri me dije se kjo situatë është krijuar për shkak se vende akomodimi kanë kërkuar edhe studentë nga Tirana, ose nga universitetet private.
Raste të tilla, por dhe të gjitha kërkesat për regjistrim, sqaroi ajo, kalojnë përmes një komisioni ku verifikohen dokumentet përkatëse si: Vërtetim studenti, vërtetim vendbanimi si dhe një raport mjekësor.
Për këto dy fakultete janë në dispozicion 2100 shtretër, ndërsa kërkesat shumë më të larta.
Lidhur me videon e shpërndarë në rrjete sociale ku shihen disa punonjës të drejtorisë apo bashkisë që shpërndajnë letra me të cilat pretendohet se po bëhet shpërndarja e dhomave të konvikteve, drejtoresha Dapi thotë se video është keqinterpretuar. Në letër sipas saj gjendet numri i mbajtjes së radhës, dhe jo i dhomave sikurse pretendohet. Regjistrimet për këto konvikte janë të hapura deri më datën 29 shtator.
Komente
Lajme të tjera
-
Arsimi profesional, Rama: Nxënësit trajnim profesional me pagesë në biznese! Fëmijëve në zonat rurale do i afrojmë konvikte dinjitoze
21 Shtator, 09:26 -
Emërohen Dekanët e rinj në Universitetin e Tiranës, ja kush merr drejtimin në 8 fakultete
29 Gusht, 17:52 -
ID, diplomë e 2 foto me vete/ Nis sot regjistrimi i maturantëve në fakultete! Arjan Xhelaj: Mos u dekurajoni, ruani degën e preferuar në kohë reale
29 Gusht, 15:34
-
Zgjedhjet në Universitete, emrat e rektorëve të rinj! Në 90% mungoi gara, kandidatë pa rivalë! Në Vlorë votohet me kutitë e PS
21 Qershor, 12:33
-
Diploma peng i punës në atdhe! Studentët e mjekësisë dërgojnë ligjin në gjykatën e Strasburgut
14 Qershor, 17:11
-
Zgjedhje pa garë në universitete, Politekniku, Bujqësori, Mjekësia, Sportet e UT me nga një kandidat! Muka denoncon për doktoratura plagjiaturë
8 Qershor, 19:53
-
Akademia e Shkencave ndan çmimet ‘Pilika’ në Konferencën e Matematikës
3 Qershor, 15:23 -
Mjekësia dhe Juridiku, bashkë për të dhuruar gjak! Studentja dhuron për herë të parë: U nxita pas praktikës në pediatri
21 Prill, 16:06
-
Aplikimet për kredi studentore zgjasin deri më 15 mars! Përllogariten kostot e jetesës dhe studimeve! Mançka: Studenti paguan vetëm 1% interes
4 Mars, 20:43
-
FOTO/ Studentët në Greqi kundër hapjes së Universiteteve private, përleshen me policinë
1 Shkurt, 19:23 -
Punë me detyrim pas diplomimit për studentët e Mjekësisë, Kushtetuesja: Afati 5-vjeçar nuk është proporcional, Kuvendi 3 muaj kohë të ndryshojë ligjin
25 Janar, 15:27 -
Njësimi i diplomave për nxënësit e ardhur nga jashtë vendit dhe refugjatët/ Nga 45 ditë, koha e pritjes bëhet 5 ditë
23 Janar, 16:27
Shume dakord me ju,universitetet private duhet te ngrene konviktet e tyre,po keshtu nuk duhen pranuar as ata qe banojne ne Tirane si qark,rreth,qytet.Kush ka problem largesine se vine nga zona e fshatra te largeta te Tiranes,UT t'ju siguroje transport per ata qe nuk kane mjete/apo mundesi financiare me cfare te vine cdo dite ne Tirane per leksione e kurse.
PërgjigjuTe privatit s'kane pune aty sa te jene strehuar te gjithe te shtetit. Ata qe shkojne ne shtet nuk e kane mundesine e shtepive me qira, i bie t'j lini jashte.
Përgjigju